بالله شكون منكم ينجم يفهمني علاش الراجل في العامين الأولين متاع حياتو الزوجية يتوجب عليه أداء الواجب الوطني؟
شنوة المعيار العلمي، الإقتصادي أو الإجتماعي إلّي تم إعتمادو بش يثبتو إلي ثمة فرق في الحياة الزوجية في ضرف عامين و إلا عامين و نصف؟!
و شنوة هاالفرق إلي يخلي الإنسان ينجم يؤدي الواجب الوطني في العامين الأولين متاع حياتو الزوجية و ما عادش ينجم يؤديه بعد عامين ونهار؟!!
التفلسيف ،في إصدار القوانين، تونسي بحت: و الشيء من مأتاه لا يستغرب!
هناك 6 تعليقات:
ساهل برشة :الحياة الزوجية كيف الحرب ..يلزمها إستعداد وتدريب هههه
موافقك على طول الخط، معايير إعتباطيّة وسخيفة للأسف
بعد عامين عرس تكثر المشاكل و لتفادي الطلاق السياسة الحكيمة تعطي للراجل فرصة لإعادت حساباتو.
راهو التشكيك بمنجزاتنا ولات مباصية
هذيك يسميوها رؤية حكامنا السديدة و قراراتهم الحكيمة و أفعالهم العظيمة و قيادتهم الرائدة
ما عدى ذلك نوافقك تخلويض في تخلويض
انا هالحكايات متاع السرسي و الجيش و التعينات مانفهم منهم شي اما يضهرلي
الي يبدا معرس و عندو طفل يعفى من الواجب المقدس.
عاد هوما يغتنمو الفرصة قبل ما هو يشكب عليهم و يخمم يجيب وليد ما حبلت مرتو كان ما يكون هو في ضيافة وحدة من الثكنات.
اش قولك في فلسفة الحكم الرشيدة و النظرة الاستشرافية بعيدة المدى ?
la limite des deux ans c'est juste pour eviter que fleurissent les mariages blancs pour echapper au service national.
qd a l'idée de dispenser les hommes mariés, qq soit l'age du mariage c'est probablement pour ne pas compromettre la viabilité de ce couple en affaiblissant ses revenus, et en eloignant les deux zamoureux.
blogtrotter..
إرسال تعليق