عندي مدة نحب نحكي على مسلل مكتوب، أما ما عرفتش على شنوة بش نبدى نحكي، خاصة إلي آنا عمناول بطلت الفرجة فيه يضهرلي من نهارة إلي قالو ثمة جزء ثاني لهل المسلسل العضيم.
ياخي اليوم في الصباح، نقرا في البلوڨسفير في المدونة آرابـيــــكـــا، تدوينة في نفس الموضوع. الموضوع هذا حيرلي مواجعي و قلت خلي حتى آنا نزيد نقول حويجة في المسلسل هذا. خاصة إلي الإستبلاه و التبهنيس أكثر حاجة تكسرلي كرايمي بعد النفاق.
أولا المسلسل هذا كان بش يتعمل لرمضان عمناول فقط، أما كيف Cactus (ربي يدوم نعمتها) هي الرأس المدبر قرروا بش يشرمطوه للسنا زادة!
و هذا الإختيار تبرره الصفقات ما بينات Cactus و الإذاعة والتلفزة التونسية. و الصفقات هذه الإذاعة والتلفزة التونسية داخلة فيها في الخسارة و خارجة من الربح (المادي بالطبيعة).
ثانيا "الأبطال" متع المسلسل شخصيتهم و تصرفهم مجعولة بطريقة تعطي شرعية للجانب المريض في أخلاقيات المواطن التونسي، موش بش يعالجهم. يعني كاينو المسلل thérapie de groupe مسلطة علينا بش المجتمع التونسي يزيد يفسد موش يتحسن و ياخذو شوكو و دالي و لاخر لزعر (نسيت إسمو) كمثل أعلى لازم نتبعوهم بش نبداو In.
و نتصور الشباب التونسي إلي ديجا محضر نفسيا لاستيعاب مثل هذه التصرفات المنحرفة- و الفضل يرجع للحصص مثل الصنادق و غياب النقد ( ما ريتو حاضر كان في الكرة) و الحصص الفارغة إلي معبية بيهم الإذاعة والتلفزة و ركنsoirée VIP في موزاييك، و و و (الله غالب ما نجمش نذكر كل شيء و نشاء الله إلي ما ذكرتوش ما يتغشش عاد )- قلنا عاد الشباب التونسي إلي شادد في كحة ما هوش بش يتردد لحظة بش يلبي نداء الجماعة إلي متخبية وراء إسم Cactus و يولي الإنحراف عندو هدف حياتو. و اللي بش يتردد و يناقش و يقول كيفاش ما يجيش منو؟ مزمرة عليه و ضلفة هندي تجيه!
و الشىء من مأتاه لا يستغرب! كيفاش تحب واحد منحرف يحسن وضعية بلادو؟ كيفاش تحبو يدور دولابو بالطريقة إلي نعرفوها في مجتمع يطالب بحقوقو و إذا بحقوق غيرو، في مجتمع متضامن موش أناني، في مجتمع متثقف موش شاددلي في الشوالق، في مجتمع متحضر في مجتمع يخمم في مستقبل زغارو موش كيفاس بش يعدي الوقت الحاضر؟
ياخي اليوم في الصباح، نقرا في البلوڨسفير في المدونة آرابـيــــكـــا، تدوينة في نفس الموضوع. الموضوع هذا حيرلي مواجعي و قلت خلي حتى آنا نزيد نقول حويجة في المسلسل هذا. خاصة إلي الإستبلاه و التبهنيس أكثر حاجة تكسرلي كرايمي بعد النفاق.
أولا المسلسل هذا كان بش يتعمل لرمضان عمناول فقط، أما كيف Cactus (ربي يدوم نعمتها) هي الرأس المدبر قرروا بش يشرمطوه للسنا زادة!
و هذا الإختيار تبرره الصفقات ما بينات Cactus و الإذاعة والتلفزة التونسية. و الصفقات هذه الإذاعة والتلفزة التونسية داخلة فيها في الخسارة و خارجة من الربح (المادي بالطبيعة).
ثانيا "الأبطال" متع المسلسل شخصيتهم و تصرفهم مجعولة بطريقة تعطي شرعية للجانب المريض في أخلاقيات المواطن التونسي، موش بش يعالجهم. يعني كاينو المسلل thérapie de groupe مسلطة علينا بش المجتمع التونسي يزيد يفسد موش يتحسن و ياخذو شوكو و دالي و لاخر لزعر (نسيت إسمو) كمثل أعلى لازم نتبعوهم بش نبداو In.
و نتصور الشباب التونسي إلي ديجا محضر نفسيا لاستيعاب مثل هذه التصرفات المنحرفة- و الفضل يرجع للحصص مثل الصنادق و غياب النقد ( ما ريتو حاضر كان في الكرة) و الحصص الفارغة إلي معبية بيهم الإذاعة والتلفزة و ركنsoirée VIP في موزاييك، و و و (الله غالب ما نجمش نذكر كل شيء و نشاء الله إلي ما ذكرتوش ما يتغشش عاد )- قلنا عاد الشباب التونسي إلي شادد في كحة ما هوش بش يتردد لحظة بش يلبي نداء الجماعة إلي متخبية وراء إسم Cactus و يولي الإنحراف عندو هدف حياتو. و اللي بش يتردد و يناقش و يقول كيفاش ما يجيش منو؟ مزمرة عليه و ضلفة هندي تجيه!
و الشىء من مأتاه لا يستغرب! كيفاش تحب واحد منحرف يحسن وضعية بلادو؟ كيفاش تحبو يدور دولابو بالطريقة إلي نعرفوها في مجتمع يطالب بحقوقو و إذا بحقوق غيرو، في مجتمع متضامن موش أناني، في مجتمع متثقف موش شاددلي في الشوالق، في مجتمع متحضر في مجتمع يخمم في مستقبل زغارو موش كيفاس بش يعدي الوقت الحاضر؟
هناك 7 تعليقات:
كتبت في هذا السياق نص طويل شوية وبحكم معنديش مدونة هاني نتدلل عليك
بعد اسبوع حافل بما حواه من تخمة مسلسلات ودراما تونسية يخرج المشاهد بعدة ملاحظات ليست بالضرورة ايجابية:
ا جازة نهاية الاسبوع اتاحت لي فرصة تعويض النقص الحاصل في مواكبة اخر ما صدر في عالم المسلسلات التونسية
الشعور العام الذي لمسته او بالاحرى التوجه العام هو المواصلة على درب السنة الفارطة : الضربا بالقيم، وتلاعب بالاحداث لتمرير رسائل خفية
ساحاول في مرحلة اولى نقد بعض السلبيات
مسلسل مكتوب
تميز هذه السنة بالرتابة والملل والتمطط المتعمد للسيناريو للزيادة في عدد الحلقات لغاية معروفة وهو مايصيب المشاهد بالملل ولا يقوى على متابعة كل الحلقات بدون استعمال زر السرعة للامام(اشاهد الحلقات مسجلة بعد بثها )
فقدان لتسلسل الفكار ونرى اقحاما لعدد لا باس به من الفنانين والفنانات بدون دور محدد لدرجة انك تنسى بعضهم وتفاجئ بعد ذلك بضهورهم من جديد هنا اظن انهم يسيرون على منوال المسلسل الفرنسي ذو النجاح الخرافي (الحياة حلوة )
في حلقة امس تعاير الفتاة الشقراء الجميلة محمد علي بصاحبته الجديدة قائلة
اش فيها خير مني بنت الحارزة؟؟؟ او كلو على بنت الحارزة؟
شخصيا ورغم علمي بوجود تلك الممارسات الا اني تخيلت ساعتها عاملة الحمام البسيطة وهي تشاهد المسلسل رفقة ابنائها وتخيلت احساسها
مالعيب في عملها ؟ هل تدفع معلوم الاذاعة لتهان في منزلها؟ مامعنى ان يزدري احدهم مهنتك؟ سيقال انه شيء يحدث يوميا ولكن هنا نحن بصدد الحديث عن تلفزة وطنية وهنا يكمن الخلل.
ملاحظة اخرى يتحدث الاخ مع اخته هند صبري التي قالت له انها كانت صادقة ولم ترواغ مثل الاخرين ولم تنافق
فاجابها حرفيا كاركعملت كيما الاخرين وخبيت روحك على الناس من الفضيحة
وهذه رسالة خطيرة جدا
يعنى هو لا يدين الفعل في حد ذاته
هو لا يدين ما فعلته اخته ولكن يدين انها بوفضوح ولو استترت لمر الامر بسلام وليس هناك مشكل
تشجيع على النقاق والرياء الاجتماعي وتكريس لفكرة ان المنافق والخبيث هو الذكي والي ضد الكذب ويعيش مقتنع بالي يعمل فيه هو بهيم وبوفضوح ولذا هنا يحق لي ان اتسال ماالمغزى من ذلك الحوار وماهي الرسالة
ملاحظة اخرى كلنا نعلم بخلل زواج الشابة بالعجوز وكيف تم الاتفاق على صفقة تسلملي شبابك ونسلملك مقابل ذلك اموال وهذا شيء يصير يوميا وكنت نتخيل انهم يحبو ينقدو ولا ينتقدو تلك السلوكيات وابراز مساؤوها ولكن العكس هو الصحيح وذلك باظهارها سعيدة متالقة وانيقة وتقضي وقتها في التسوق وفي استدعاء الصديقات وهذا مثال سيء جدا نقدمه للشابات لا تقرا ولا تخدم ولا تتعب شوفلك راجل عجوز وغني وتوة تسلكها
مواصلة ابراز الشكو بمظهر البطل ولد بلاد الذي لا يتوانى عن استعراض افعاله في الطليان في وقت كان من الاجدر محارابة ظاهرة الحرقة باظهاره على الاقل حزين او نادم او قوله مثلا منحبش ولدي يضيع كيما ضعت خاطر لفلوس موش كل شيء
خسارة
وكانو المسلسل لا غاية له ولا روح ولا هدف فقط كيفاش نطولو الحلقات لاكثر فلوس
خسارة الكاتب القدير الطاهر الفازع الي سقط معاهم هاالسقطة
ساعود لاواصل مع مسلسل نجوم الليل ونظرته للمراءة الي تحدثت عليها فرمينا دانز هوني تلقى زادة هوني نص اخر بالفرنسية وكاتبته ترفض الصورة الدونية الي عاطينها للمراة
http://www.facebook.com/home.php#/note.php?note_id=121310948354
مبدائيا عندي اعتراضي على تصوير المراءة التونسية في صورة الراكضة خلف الراجل وهو يتهرب
توة هي سعدها مكبوب في الدنيا وزيد يتكب في المسلسلات؟
الفتاة الثرية تجري في جرة الفتى الفقير (فكرة كلاسيكية برشة )
الفتاة الفقيرة تلهث وراء الاغنياء هي وصديقتها
الجدة العجوز المتصابية والي تستجيب لمعسول كلام راجل بنتها
الام والي تشاتي بالنات ووقفت عمرها في الثلاثين لملئ الفراغ
منعرفش وين مشى الراجل العربي الرومنسي؟
وعلاش مفماش راجل هو يحب وحداة ويبدا يجري ويجري وعامل معاها مجهودو
المرة الوحيدة الي صارت هي وقتلي الممثل حب ياخذ توكيل من عند مرتو هز عشاءها واشترى لها ملابس واصبح يعد لها طعام العشاء وجلب القهوة
موش غاية المسلسلات هي الحلم ؟
وينو الحلم هوني؟
نسيت محكيتش على حلقة لبارح وكيفاش هداتلوا المفتاح
ههههه
وعاملين الصباح فطور صباح غرامي
توة قولولي كيفاش حاجة مخالفة للقانون تتعدى على قناة وطنية
موش هاكة اسمو زواج على غير الصيغ لقانونية؟... Lire la suite
الكنكيبيناج موجود في تونس لكنه غير قانوني والحاكم كيف يحب يتبولد يخرج القانون من الرفوف
واش قولكم في نوعية الحوار
قاتلو يحرز رادة بالي مكنش راني جبت حتى انا طفل في الحرام
زعمة الوالدين يتفرجو مع صغارهم
آنا متفق معاكم في عديد النقاط لكن هذا ما يمنعش من أنو مسلسل يتبعوا فيه العديد من التوانسة باش منقولش الأغلبية ومثّل نقلة في الأعمال الدرامية التونسية.
مش مهم
في الحقيقة المسلسل تعرّض لمسائل كان مسكوت عليها ولولا أنو الانتلج من كاكتوس لما تم السماح.
من بين المسائل: المخدرات. هي حقيقة في تونس وشيكو ثمة عشرات منو.
من غير منطوّل عليكم، ثمة إشارة لميدان الزوايل (حاشاكم) في الحلقات الأخيرة وهي ماهيش بالبراءة الي نتصوروها.
الطاهر الفازع موش من طينة اللي يكتبو في الفارغ ومن الضروري التعامل أحيانا مع مثل هذه المسلسلات بنقد ايجابي وذكي.
مرة أخرى، تدوينة تشكرين عليها.
@3amrouch
تفضل.
أكثر فكرة تحسهم يحبوها تخرج من المسلسل هي حسب رأ يي كيف ما قلت إنت "تشجيع على النقاق والرياء الاجتماعي وتكريس لفكرة ان المنافق والخبيث هو الذكي". و زادة أنو حب الذات و الأنانية إلي تضر إلي دايرين بيك، أصبحت في المسلل هذا حاجة عادية يلزمنا نقبلوها بصدر رحب و هذا ما تمثلو شخصية دالي بدرجة أولى. آنا نشوف في التوانسة الكل جانب (متفاوت من شحص لآخر) من شخصية دالي، أما في عوض يتم تحقيرها بش العباد تفهم علاش الأنانية ما تخدمش المجتمع، لا يتم تضخيمها و التركيز عليها و تزيينها للعباد!!!
كيف شوكو زادة، قاعديين يزينو فيه للعباد واحد مجرم يولي مثل للشاب التونسي، عادي جدا !
امال
راهو الممثل متع شكو واعي وعندو مايقول في روحو
اللهم تبدل من عمناول للسنى
نتذكر مليح عمناول جابوه يحكي وقال انو مندهش كيفاش الناس حبت شكو
قاللهم راهو شخصية موش باهية ومالزمش يتحب
عابر سبيل
كلنا نعرفو انو تعرض للمسكوت عنه وماقلناش نو جاب حكايات من الحيط
لكن الخلل انو في عود ينتقدهم ولو خفية ولا يورينا نهاية تعيسة لا بالعكس
شخصيا نتخيل اي طفلة كيف تشوف هاك الي خذات عجوز تحوس اب بيام وتشري في الحوايج ومتصنع شيء في حياتها يولي طموح حياتها تاخذ راجل هككة
وفي المقابل يوريك يسر الي مازلت تقرا كيفاش تقاسي وتاعبة وممكن تخسر حب حياتها
اش يحبو يوصلولنا كمعلومة
تي على الاقل وريني كيفاش تاعبة مع راجل عجوز
تي حطو يشخر يتجشا يضربها اي حاجة
موش تحطو عطوف وودود وحنون هههه
@3amrouch
"راهو الممثل متع شكو واعي وعندو
مايقول في روحو
اللهم تبدل من عمناول للسنى "
آنا راني كيف قلت مجرم يزينو فيه نحكي على الشخصية موش عل الممثل إلي نتذكرها هو بيدو تفاجأ بحب الجمهور للشخصية هاذي و نتذكر كيفاش عيا و هو يفسر إلي شوكو مجرم ما يلزمناش نحبوه
عمروش:
كلامك صحيح...لكن...
موش بالضرورة أنّي نحطلك صورة قاتمة باش تكره الشي المرغوب في تركه.
خلينا نستعرضو بعض الشخصيات بكل تجرد:
شيكو: علاه شخصيتو حبوها الأغلبية؟ موش على خاطرو باندي وخليقة...موش صحيح. خاطر يحب أمو...خاطرو في داخلو رجولي وحنين...خاطرو ما يظلمش...
ma naklouch tarf 5obz m3akom
???
إرسال تعليق