ديما نسمع في التلفزة و إلا في الراديو على الشعب التونسي الملتف حول رئيسه و آنا في الحقيقة رغم إلي عايشة في تونس عمري ما شفت المشهد هذا وها الشعب هذا! شفتوهم انتوما؟
عاد البارح في الأخبار قالولنا الشعب التونسي ملتف حول رئيسه و هاو بش نوريوكم بالدليل القاطع بالصوت و الصورة. عاد يا روعة ماشفت! عباد عمري ما شفتهم في شوارعنا! يا محلاهم يا مبهاهم!
رجال بشنباتهم و بطولهم و بطلطولهم يصفقوا و يضحكوا فرحانين شايخين عاملين جو! سبحان الله عمري ما شفتهم الرجال الفرحانين هاذم، منين جابوهم! قالك هاذم هوما الشعب التونسي و لخرين ناس مستوردين من عالم ثالث، ما نعرفش آش مجيبهم في هل البر!
يا محلاهم يا مبهاهم!
شباب يطبلحط في القع، و يشطح في التكتونيك في الشارع، شباب يتكربس في الهوا يعمل في ألعاب بهلوانية، بو سعدية زادة جابوه بش يضحك السلطان المتعدي، بنات لابسين ملية يتشاطحوا و يفرقوا في النوار. أهو شباب تونس و إلا لوح، شباب clown يضحك و يفرهد السلطان و الحاشية متاعو. شباب صفاق فرحان و يِِضْحَكْ و يِضَحَّكْ!
يا محلاهم يا مبهاهم!!
نساء حاجات عراو ريوسهم للمناسبة السعيدة هذه، و طيشو فولارتهم على راس السلطان المتعدي! تحيا النسا، يامحلاهم و هوما يڨطعوا في عروڨهم بالصياح ثماش ما يضفرو بغزرة من عند سيدهم السلطان و من عند للاتهم السلطانة المتحزمة!
يا محلاهم يا مبهاهم!
شباب و نساء و رجال لابسين uniforme أحمر و بنفسحي قزوردي مزيان، و لابسين casquette بنفسجية و فيها logos أحمر يشعل و يطفى! محلاهم، ما أبهاهم قداشهم أنيقين، قداشهم مزيانين، قداشهم يِضْحْكُوا و يِضَحْكُوا
ملا جو محلاه شعب تونس الملتف! يا محلاه يا مبهاه! صحة ليه السلطان ديما يشوف فيه!
علاش أحنا يعني الشعب المستورد المغشش الفادد الجيعان و إلي ديما ما عاجبو حال، علاش أحنا ما نشوفوش فيهم! وين مخبينهم ؟! وين مكفنينهم؟! بربي وزعوهملنا في الشوارع خلي يضحكونا خلي يفرهدونا!!
آنا من منبري هذا أطلب من الحكومة بش توفرلنا الشعب التونسي هذا في شوارعنا خلي نوليو نشوفو الدنيا زين ـة! و هكا الشعب التونسي التحفون هذا يساهم في تحسين عيشة الشعب الآخر المستورد و نعيشوا الكلنا في أمن و أمان و غبطة محسودين عليها مل البلدان المتقدمة.
و خرافتنا طابة طابة و عام الجاي تجينا صابة
عاد البارح في الأخبار قالولنا الشعب التونسي ملتف حول رئيسه و هاو بش نوريوكم بالدليل القاطع بالصوت و الصورة. عاد يا روعة ماشفت! عباد عمري ما شفتهم في شوارعنا! يا محلاهم يا مبهاهم!
رجال بشنباتهم و بطولهم و بطلطولهم يصفقوا و يضحكوا فرحانين شايخين عاملين جو! سبحان الله عمري ما شفتهم الرجال الفرحانين هاذم، منين جابوهم! قالك هاذم هوما الشعب التونسي و لخرين ناس مستوردين من عالم ثالث، ما نعرفش آش مجيبهم في هل البر!
يا محلاهم يا مبهاهم!
شباب يطبلحط في القع، و يشطح في التكتونيك في الشارع، شباب يتكربس في الهوا يعمل في ألعاب بهلوانية، بو سعدية زادة جابوه بش يضحك السلطان المتعدي، بنات لابسين ملية يتشاطحوا و يفرقوا في النوار. أهو شباب تونس و إلا لوح، شباب clown يضحك و يفرهد السلطان و الحاشية متاعو. شباب صفاق فرحان و يِِضْحَكْ و يِضَحَّكْ!
يا محلاهم يا مبهاهم!!
نساء حاجات عراو ريوسهم للمناسبة السعيدة هذه، و طيشو فولارتهم على راس السلطان المتعدي! تحيا النسا، يامحلاهم و هوما يڨطعوا في عروڨهم بالصياح ثماش ما يضفرو بغزرة من عند سيدهم السلطان و من عند للاتهم السلطانة المتحزمة!
يا محلاهم يا مبهاهم!
شباب و نساء و رجال لابسين uniforme أحمر و بنفسحي قزوردي مزيان، و لابسين casquette بنفسجية و فيها logos أحمر يشعل و يطفى! محلاهم، ما أبهاهم قداشهم أنيقين، قداشهم مزيانين، قداشهم يِضْحْكُوا و يِضَحْكُوا
ملا جو محلاه شعب تونس الملتف! يا محلاه يا مبهاه! صحة ليه السلطان ديما يشوف فيه!
علاش أحنا يعني الشعب المستورد المغشش الفادد الجيعان و إلي ديما ما عاجبو حال، علاش أحنا ما نشوفوش فيهم! وين مخبينهم ؟! وين مكفنينهم؟! بربي وزعوهملنا في الشوارع خلي يضحكونا خلي يفرهدونا!!
آنا من منبري هذا أطلب من الحكومة بش توفرلنا الشعب التونسي هذا في شوارعنا خلي نوليو نشوفو الدنيا زين ـة! و هكا الشعب التونسي التحفون هذا يساهم في تحسين عيشة الشعب الآخر المستورد و نعيشوا الكلنا في أمن و أمان و غبطة محسودين عليها مل البلدان المتقدمة.
و خرافتنا طابة طابة و عام الجاي تجينا صابة
هناك 4 تعليقات:
Bravo. J'ai regardé un peu le journal mais j'ai pas pu rester plus de 2 minutes tellement j'ai été choqué par cette mascarade. En plus ils n'ont même pas parlé des autres candidats.quelle démocratie quelle honte
Mais quel autre candidat, le ministre de la com a voulu faire un vrai tirage au sort pour l'ordre de passage des candidats le malheureux il s'est vite fait rappelé à l'ordre et par là même VIRé ...
شعب تونس الملتف و المتلف
تي فين حيّك يا أمال، خليت بلاصتك...
مشيش في جرّة الإلتفاف كمّلوا لفّوك زادا انت و الا حاجة هكّا...، اللطف عليك :-)
بالمنجد خليت بلاصتي? :) هاني راجعة نشاء الله على قريب توة نتلهى بيكم واحد واحد هههههه p:
آنا لاباس الحمد لالله وانت سلكتها؟ لقاتك آك المرا إلي تلوج عليك بش تقتقلك فمك و إلا مازالت ما لقاتكش هههههه! يا ولله حوال :)
إرسال تعليق