Tunisienne et fière

Débats en france: identité nationale ou identité chrétienne

2009-12-24T12:38:00.003+01:00

Un illuminé a dit "Le jour où il y aura autant de minarets que de cathédrales en France, ça ne sera plus la France"!!! C'est la même chose que de dire "Le jour où il y aura autant d'arabes musulmans que de blancs chrétiens en France, ça ne sera plus la France"

Bah il faut accepter la réalité: des citoyens français sont arabes (qui est une race et non une nationalité) ou des berbères ou des européens musulmans, ils ont une culture et leur existence en France fait que leurs cultures devraient avoir leur place dans ce pays qui je rappelle est un pays démocratique et où chacun est libre de choisir sa religion ainsi que son parti politique.

Je rappelle aussi que la France n'était pas ce qu'elle est maintenant en terme de culture, de religion. Et c'est le cas du monde entier. Les cultures des pays changent avec leurs habitants, les cultures se marient pour en donner une nouvelle. C'est ça qui fait que le monde bouge, change, évolue.

Je voudrais seulement comprendre une chose: pourquoi aujourd'hui l'oppression de la culture tzigane ou bretonne (interdiction de parler le breton) choque-t-elle les esprits alors que l'oppression de la culture islamique (née d'un mariage de civilisations) ne choque-t-elle pas ?!

#EOF

محلاك يا شعب تونس

2009-10-12T10:43:00.003+01:00

ديما نسمع في التلفزة و إلا في الراديو على الشعب التونسي الملتف حول رئيسه و آنا في الحقيقة رغم إلي عايشة في تونس عمري ما شفت المشهد هذا وها الشعب هذا! شفتوهم انتوما؟

عاد البارح في الأخبار قالولنا الشعب التونسي ملتف حول رئيسه و هاو بش نوريوكم بالدليل القاطع بالصوت و الصورة. عاد يا روعة ماشفت! عباد عمري ما شفتهم في شوارعنا! يا محلاهم يا مبهاهم!

رجال بشنباتهم و بطولهم و بطلطولهم يصفقوا و يضحكوا فرحانين شايخين عاملين جو! سبحان الله عمري ما شفتهم الرجال الفرحانين هاذم، منين جابوهم! قالك هاذم هوما الشعب التونسي و لخرين ناس مستوردين من عالم ثالث، ما نعرفش آش مجيبهم في هل البر!

يا محلاهم يا مبهاهم!

شباب يطبلحط في القع، و يشطح في التكتونيك في الشارع، شباب يتكربس في الهوا يعمل في ألعاب بهلوانية، بو سعدية زادة جابوه بش يضحك السلطان المتعدي، بنات لابسين ملية يتشاطحوا و يفرقوا في النوار. أهو شباب تونس و إلا لوح، شباب clown يضحك و يفرهد السلطان و الحاشية متاعو. شباب صفاق فرحان و يِِضْحَكْ و يِضَحَّكْ!

يا محلاهم يا مبهاهم!!

نساء حاجات عراو ريوسهم للمناسبة السعيدة هذه، و طيشو فولارتهم على راس السلطان المتعدي! تحيا النسا، يامحلاهم و هوما يڨطعوا في عروڨهم بالصياح ثماش ما يضفرو بغزرة من عند سيدهم السلطان و من عند للاتهم السلطانة المتحزمة!

يا محلاهم يا مبهاهم!

شباب و نساء و رجال لابسين uniforme أحمر و بنفسحي قزوردي مزيان، و لابسين casquette بنفسجية و فيها logos أحمر يشعل و يطفى! محلاهم، ما أبهاهم قداشهم أنيقين، قداشهم مزيانين، قداشهم يِضْحْكُوا و يِضَحْكُوا

ملا جو محلاه شعب تونس الملتف! يا محلاه يا مبهاه! صحة ليه السلطان ديما يشوف فيه!
علاش أحنا يعني الشعب المستورد المغشش الفادد الجيعان و إلي ديما ما عاجبو حال، علاش أحنا ما نشوفوش فيهم! وين مخبينهم ؟! وين مكفنينهم؟! بربي وزعوهملنا في الشوارع خلي يضحكونا خلي يفرهدونا!!

آنا من منبري هذا أطلب من الحكومة بش توفرلنا الشعب التونسي هذا في شوارعنا خلي نوليو نشوفو الدنيا زين ـة! و هكا الشعب التونسي التحفون هذا يساهم في تحسين عيشة الشعب الآخر المستورد و نعيشوا الكلنا في أمن و أمان و غبطة محسودين عليها مل البلدان المتقدمة.

و خرافتنا طابة طابة و عام الجاي تجينا صابة

7 نوفمبر 2009

2009-10-08T17:00:00.003+01:00

جيت نشوف في اليومية نلقى 7 نوفمبرالسنا يطيح نهارة السبت. خسارة ضيعت نهار كونجي بلوشي ؛)

يا صلاة الزين على تونس ;)

2009-10-08T10:29:00.002+01:00

بمناسبة إلتفاف شعب تونس حول رئيسهم (شعرة للحاكم جا يحز بالعمل) و مناشدتهم له لترؤس تونس مرة أخرى كيف العادة و الله لا يقطعلنا عادة.

و زادة بمناسبة صدور كتاب "La régente de Carthage" الله و أحد عليها.

بهذه المناسابت نقترح عليكم غناية "يا صلاة الزين" للفنان سيد مكاوي
-----------

ياصلاة الزين ياصلاة الزين على تونس ياصلاة الزين

آه ياصلاة الزين ياصلاة الزين على الحاضرين ياصلاة الزين

ياصلاة الزين ياصلاة الزين على شعبك وللصلاة الزين

تونس خضراء ومخضرها رب البؤرة ومنورها تونس خضراء ومخضرها رب البؤرة ومنورها

بنتوان ومراوي كسرناهم حلوين شعراء ووجدناهم كيف البحرين ياصلاة الزين على تونس ياصلاة الزين

ياصلاة الزين ياصلاة الزين على تونس ياصلاة الزين

ياميئة تحية ايـــه قولوا على عزيزة بنت السلطان

ياصلاة الزين ياصلاة الزين على عزيزة ياصلاة الزين ...

ياصلاة الزين ياصلاة الزين على أبوها ياصلاة الزين

سلطان زمان بساتيني نخل ورمان حصاد أرضه

رمتي ومستشار مطاوعينو إخلاص والجنادي يقولوا ياذا السيفين ياصلاة الزين على السلطان ياصلاة الزين

ياصلاة الزين ياصلاة الزين على أبوها ياصلاة الزين

ياميئة تحية ايـــه قولوا على مراة أبوها أم العلام ياصلاة الزين ياصلاة الزين على مراة أبوها ياصلاة الزين

أم العلام ستنقض هيبة ومجامع لعلومه ;) أم العلام ستنقض هيبة ومجامع لعلومه وسبعة فرسان حاملنها من هذا العالم على محمل تحته شامالين ياصلاة الزين على مراة أبوها ياصلاة الزين

ياصلاة الزين ياصلاة الزين على مراة أبوها ياصلاة الزين

ياميئة تحية ايـــه قولوا على أبا سعدة الزناتي خليفة ياصلاة الزين ياصلاة الزين على أبا سعدة ياصلاة الزين

ياصلاة الزين ياصلاة الزين على أبا سعدة ياصلاة الزين

أباسعدة فارس فارس;)أباسعدة فارس فارس أباسعدة فارس فارس أباسعدة فارس فارس

فارس معروف وعلا صيته فايت محسود ومن شوكه

شال المولود على جنابه واللي جابوه صايلين على جنابوه يكافوئه سبعين على ذراعه يبنوا القصرين ياصلاة الزين ياصلاة الزين على أباسعدة ياصلاة الزين

------------

الأطرف في الحكاية أنو الغناية هذه سمعتها اليوم في الصباح في الراديو في الإذاعة الوطنية هههه

شعارات انتخابية

2009-10-06T16:08:00.001+01:00

شد في مشوكم لا يجيك ما أشوم

عمشة في دار العميان تتسمى كحلة الأهذاب

و اللي يحيب يزيد يخلي تعليق ؛)

تونس بلاد ديمقراطية، إييييه نعم

2009-10-06T16:00:00.000+01:00

انتخابات فايسبوكية

عدد مساندين أحمد براهيم: 546

عدد مساندين الرئيس: فوق 95000

و من بعد ما تقولوش كيفاش 99%، تي حتى كي يقولولكم 1000% ما عندكمش الحق تستغربو و تقولو كيفاش...

خاطر هذه هي الديمقراطية: الشعب الفكروني (و نشاء لله ديما نقعدو ناخذو في العلم من روس الفكارن) هو إلي ختار شكون يتحوكم فيه بالعدل و القسط و حقوق الإنسان و الأشياء النبيلة إلي شعوب العالم ماتت على خاطرها

البارح كنا نغنيو "ناري على جرجيس و بناويته"، ليوم نغنيو "ناري على تونس و رجاجيله"

لا بإسم الهوية العربية و لا بإسم الهوية الإسلامية...

2009-10-05T10:55:00.004+01:00

لا بإسم الهوية العربية و لا بإسم الهوية الإسلامية... و لكن باسم

الإنسانية

أساندكم يا أهالي فلسطين في مقاومتكم ضد العدوان الصهيوني العنصري الضالم المستبد و في دفاعكم ضد الصمت المخزي لأغلبية السياسيين و مثقفين العالم، صمت يفضح التعامل الخسيس مع هؤلاء المجرمين.

حجج و ديمقراطيات

2009-10-02T08:00:00.000+01:00

الحجة الأولى

السكينة السويسرية إلي تسببت في تشريع حرب أفغانستان

الحجة الثانية

البهناس الكبير شادد في يدو القنبلة النويية إلي لقاوها في العراق. حرب العراق ولات عندها شرعية

في الدمقراطيات، السياسيين بش يوصلو لهدفهم يستعملوا التبهنيس و الكذب:

- هل يعقل أنو في درجة حرارة كبيرة و ضغط كبير، سكينة قد يدي تقعد لاباس عليها ما تتمسش؟!
- هل يعقل أنو كولين باول شدد في يدو حاجة مخطرة كيف ما هاذي (anthrax)، ما يخفاش كان تطيح من يدو و تتكسر؟!

لكن في الديمقراطيات الأخرى، عندنا حجج من نوع آخر يستعملوهم السياسيون بش يوصلوا لهدفهم:

الحجة الأولى
الحجة الثانية

الحجة الثالثة

الحجة الرابعة

الحجة الخامسة

الحجة السادسه

مقنعين، واشي ؟

إذا صهينت خربت

2009-10-01T11:32:00.007+01:00

البارح ربي دڨني، كنت قاعدة رايضة على روحي، قلت عندي مديدة ما تفرجتش في فرونس 2، خلي نمشي نعمل عليها طلة.

لقيت فيها برنامج ضهرلي تحفون مل البرة ( ويا مزين مل البرة آش حالك مل داخل)، إسمو "
"L'objet du scandale" animé par Guillame Durand

موضوع مل المواضيع إلي تجبدت، "هل أنو أحداث 11 سبتمبر من عمايل بن لادن و أصدقاؤو و إلا من عمايل بوش و حلفاؤو". عجبني الجو، قلت صحة ليا بش نعمل كيف، توة من بعد في وسط الحصة يطيحوا الأطراف الزوز متع الحوار يكرتشو في بعضهم، في هذه تنفع، هذه تضر و كل واحد يطرح تحاليل علمية بش يوضح وجهة النضر متاعو.

مشيت بزربة جبت مل الفريجيدار كعبة ... صابرين pétillante لايت بالتفاح ؛) بش نهضم بيها الحكاية و ميات ڨرام قلوب كحل و حلڨت قدام التلفزة و ضلمت الدنيا تقوش عليا في صالة سينيما!

بدا المنشط إلي أقرب للتنشيط منو للصحافة، يقدم في المشاركين في الحوار، جيت نعمل الحساب نلقى يجي 5 و إلا 6 يأكدو أنو 11 سبتمبر من عمايل بن لادن و 1 فقط philippe Geluck يقرب للصفر( تو تفهموا علاش من بعد) بش يشكك في القناعة هذه.

عجب قلت! ساعة فرنسا متع حرية التعبير كيما شفنا في مسرحية mes excuses de Dieudonné ( وإلي تفرج فيها تو يفهمني)

باهي نكمل نتفرج و نشوف وين بش ترصي.

قامو آك الستة إلي كلهم صاحب الرأي الواحد، واحد يتحي واحد يزكي و يقولو في جمل من نوع

" Mais c'est évident que c'est ben laden l'auteur de ce massacre"

"tout le monde sait que ..."-

"C'est une bêtise de dire que c'est l'administration américaine qui est à l'origine de ce massacre
"

"أحنا ما نتفقوش مع Jean marie bigard et Marion Cotillard كيف يشككو في المصدر. حاجة واضحة أنو المصدر هو بن لادن. و هوما يشككوا في المصدر على خاطر ما يحبوش الأماريكان"

كلام موضوعي و مقنع ياسر. خسارة الزوز المعنيين بالأمر ما تمش استدعائهم بش يدافعوا على رواحهم كيف هما ولاو محور الحوار!
و حتى واحد ما جاب أرقام و إلا تحاليل خبراء تأيد قناعاتهم إلي يلزمنا نقتنعوا بيها من غير حجج علمية

"C'est vrai que tout les experts et scientifiques se sont accordés pour dire que de telles manipulations soient impossibles à faire pour des gens très peu formés. Mais en Belgique (je pense) on a fait une expérience avec quelqu'un qui se forme sur un simulateur. on lui a demandé de percuter le pentagone sur simulateur et à trois reprises il a réussi à le faire. " a dit un non expert

أي باهي طنبج فيهم في الإفتراض لكن هل في الواقع ينجم يعمل نفس الفازة و هو عمرو ما جرب يسوق طيارة واقعية!! و احنا بالطبيعة يلزمنا نصدقوا كلام الفريخ هذا موش كلام علماء و خبراء و نسكروا افامنا و ما عادش نعاودو نشككوا في مصدر 11 سبتمبر.

علاش نقول في الكلام هذا؟

خاطر يا سيدك بن سيدك بعد ما كملو كلاونا بالكلام و دخلونا من باب خرجونا من خوخة و آنا نغزر كالبهلولة ما نيش مصدقة وضنيا، قالك إلي الناس إلي يشككوا في مصدر أحداث 11 سبتمبر هم معاديين للأماريكان (أي باهي و من بعد؟! ما هيش جريمة أني نكون ما نحبش السياسة الأمريكية) و زادة معاديين للساميين !

آه ه ه ه !

يا ويلو إلي يشكك في مصدر 11سبتمبر و هو عايش في فرنسا! يا ويلو و يا ويل ويلو! خاطر إنت هكا تولي معادي للسامية و ما أدراك!! يعني مجرم تستحق الحبس ! و كتبتك ما عادش تتنشر في فرنسا، و ماعاد عندك الحق تقول حتى كلمة في التلفزة و ينحيولك حقك في حرية التعبير و كان لزم يطردوك مل البلاد!

آه إمالة! تفدلك بيها السامية إنت؟! شبيك راهو هولوكوست و حكايات!! أكثر خلق ربي تعذبوا في الدنيا هذه، تي قالك تعذبوا أكثر مل الأفارقة إلي باعوهم للأماريكان، و تعذبوا أكثر مل الفلسطينين! شبيك راهم شافو الويل موش لعب! وحاجة طبيعية أنو إلي جدودو شافو الويل يولي عندو حقوق أكثر مل العباد لخرين، يقول إلي يحب، يكذب كان يحب و حتى حد ما عندو الحق يشكك في كلامو!

مالا مسيبة هي الحكاية! مالا في بالك علاش جايبين منهم 6 في الحصة هذه.

و السيد philippe Geluck صاحب الرأي الآخر إذا المعادي للسامية كيف جا بش يتكلم (هو كيفي يتفرج و ساكت)، عمل هكا المنشط قالو سامحنا يلزمنا نحترموا توقيت الحصة، خذيت أكثر مل المسموح ليك ! من فضلك إلزم حدودك!! تي باهي ياسر كيف سمحنالك بش تتواجد هوني! و بربي ما تفهمنيش بل الغالط راهو كيف ما سمحتلكش بش تتكلم موش على خاطر ما نحبكش تتكلم أما على خاطر الوقت وفا!

تبارك الله على فرنسا بلد الحريات! إذا صهينت خربت

إلي يعمل الخير ما يشاورش

2009-09-24T11:20:00.002+01:00

البارح في الخدمة، فزعونا بعد الضهر قالولنا براو روحو لا تهزكم العاصفة إلي جاية في الثنية. لحقيقة ما كنتش مل العاكسين هزيت شلاڨاتي و ملاڨاتي و لميت أدواتي و روحت للدويرة. و آنا مروحة، حليت الراديو في الكرهبة: شوية غناء على شوية كلام فارغ، الحاصل شي على حكاية العاصفة. "زعمة الإدارة تخلوض؟! هو ما ثم شي؟!!!"

في الدار حليت التلفزة، حطيت تونس سبعة، مسلسل مصري يرقد و جمل مفيدة متع أخبار عاجلة:

"عم الحاج، قرر بش يبعث مساعادات للمنكوبين متع الفياضانات"

"عم الحاج ينصح بش يعملو فريق خاص للإسعاف"

"عم الحاج قرر بش يوقف العاصفة عند حدها"

"وزارات الداخلية و الصحة طلبو الإذن من عند عم الحاج بش يتدخلوا" هو في الحقيقة عم الحاج، جاب ربي سمحلهم بش يتدخلوا لإسعاف المواطنين المنكوبين - و ما نعرفش علاش مسمينهم منكوبين، زعمة على خاطر تعرضوا لكارثة طبيعية مؤقتة و إلا على خاطر عايشين تعاسة يومية-

الحاصل قداشو ناس طيبة هذا سي عم الحاج، ربي يخليهولنا، كان موش هو ما نعرفش شنوة ينجم يصير فينا!!

و نشاء لله ديما إلي يحب يعمل الخير في تونس، يشاور قبل عمنا الحاج عملا بالمثل الشعبي التونسي "إلي يعمل الخير ما يشاورش... آه سامحني يشاور عاد"

"عم الحاج يوصي بتوخي الحيطة و الحذر الدائم"

يعني في حالة طوارئ، موش يلزمك تبع procédure كاملة و إلا تطلب رقم معين مجعول خصيصا للحالات هذي. آه مالا شنوة يلزمك تعمل. يلزم كيف تبدى ماشي في الثنية و تجيك العاصفة تحل عينيك مليح مليح بش تفنتي بالأشياء الطايرة إلي تنجم تدمغك، و ترد بالك لا تلبس بوتو متع ضو، يلزم تدرد بالك مليح مليح لا تطيح في روڨار.

الحقيقة بيني و بين روحي، قعدت نتسائل: زعمة علاش ما عندناش procédure (تكون مخدومة من قبل) معينة ينشرها الإعلام و المعهد الوطني للرصد الجوي من قبل لا تصير الكارثة، زعمة هذا ما ينقصش من عدد الضحايا. و علاش وزارة الصحة ما تعملش فريق طوارئ خاص بالكوارث الطبيعية يكون متكون من مرشدين يتم الإتصال بيهم عن طريق الهاتف و من أطباء و من رجال الاطفاء و غيرهم إلي يكونو مستعدين وقتلي يتم الإعلام بحدوث كوارث طبيعية. علاش ديما نستناو آخر آخر لحضة بش نتحركوا "بعدما اتخذ شرى مكحلة"

قداش منو عم الحاج مسكين، لاهي بمشاكل تونس الإجتماعية و لاهي بالكارثة الإقتصادية بش يزيد يخمم في حلول للكوارث الطبيعية.

إيه !ما وحدك وحدك كي الرجال قدم إقتراحك لعم الحاج و هو أكيد تو يوافقلك عليه، أما من بعد ما تتغشش كيف في الأخبار العاجلة تقرى إلي "عم الحاج لقى الحل للكوارث الطبيعية" ؛)

العزوزة هاززها الواد و تقول عام صابة

2009-09-23T13:33:00.001+01:00

السنا برشا ناس ما هيش بش تمشي للحج عملا بالتوصيات متع الدولة إلي خايفة علينا من المرض متع الحلالف - أما الحلالف لخرين ماهيش خايفة علينا منهم-

و لذلك و بفضل السياسة المجيدة لعم الحاج، قرروا السنا بش يجيبولنا الحج حتى لهوني لتونس و الفعاليات متاعو بش تدور في قصرالرياضة بالمنزه و سيتم الطواف حول أهم حاجة تمثل مشاغل التونسي و تقوم حولها النقاشات و حتى النقد يا بو ڨلب : النقد البناء و المدمر زادة و تتلم العايلة حول حصة بالمكشوف بش تشارك في النقاش: موش نقاش مشاكل المجتمع، لا كيفاش، عندنا مشاكل أحنا، موش حلو الكلام هذا! آه إما لا شنوة؟ الكرة يا ولدي الكرة!!!

قالك السنا بش يجوبلنا كأس العالم إلي الفحولة متاعنا ما نجموش يجيبوها. بش يحطوها في وسط العباد، و يبداو يطوفو بيها و يمسحوا عليها و يبوسوا فيها و يبكيو عليها و يقراو شوية فاتحة و يدعيو شوية دعاء ثماش ما ربي يجيب عبادو الكوارجية في الصواب!!!

ربي يخللينا عم الحاج إلي خمم في التوانسة و جابلهم الحج الكروي حتى لتونس، خلي نلقاو آش ننقدوا عل القليلة

شكرا

شكرا يا سيادة الحاج

يشعلوا في النار و يقولوا الدخان منين، ... و كليمة لحسين

2009-09-23T11:56:00.003+01:00

الأيامات ثم أصوات في البلوڨسفير قاعدة تقلك الأمبيونس ولات خايبة في البلوڨسفير، ثمة برشة سبان و تخربيش كرامة و تحريض عل الفساد!!

سبحان مغير الأحوال، البارح الناس هذم بيدهم إلي كان هم تدوينهم الوحيد في الصباح، في الليل في رمضان و في أي وقت تسنحلهم الفرصة، همهم الوحيد كان تخربيش كرامة المسلمين، الصايمين، المصلين، إلخ. قال شنوة يحبوا يصلحوا المجتمع و هوما متع الفن و الأحاسيس الفياضة و متع السيكس (من المستحسن خارج منضومة الزواج) و العرى و السكرة يتجرحوا كيف يراو الناس بحذاهم مسلمين.

أي يتجرحوا، و لذا هوما يشوفوا أنهم عندهم كامل الحق في سب المسلمين ونعتهم بالغباء و بالحيوانية و السخرية من معتقداتهم. وتكثر أعمالهم هذه في رمضان، عادي جدا. و حتى حد ما كلم حسين بش يشطبلهم مدوناتهم من البلوڨسفير.

باهي... هوما توة كي فاقو إلي الأمبيونس ولات خايبة؟! آنا نقللهم إلي بقية المدونين حسو بالأمبيونس فسدت عندها مديدة الحكاية، فسدت خاطر ثم مدونين سيبو مشاغل المجتمع التونسي و العربي و شدو في التمنييك عالدين كيف بصة الحجام. و شدو في كالحكاية كعرر و عاود كعرر و عاود لين مصاتت.

و الناس إلي ما عطاوش أهمية في الأول لهل الجميعة، حسوا برواحهم لازمهم ياخذوا منهم موقف. كيفاش؟ كلموا زعمة حسين بش يطردهم، عملوا إشهار لموقع بلوڨسفير آخر بش يعملوا زعمة زعمة ضغط على حسين؟لا! لكن دونوا على رواحهم، عبروا على أراؤهم.

و آنا نشوف إلي التدوينة لخرة إلي مهتمة بالجميعة هذم ، و مانيش ندافع عليها بش ما تفهمونيش بالغالط، التدوينة هذه ماهي إلا نتيجة الأمبيونس الخايبة و التوتر إلي زرعوه في البلوڨسفير. و إلي يشعل النار ما يلزموش يتسائل الدخان منين، وماعليهم كان يتحملوا عواقب الثنية إلي متبعينها

و إلي مخوفني أكثر، أنو الجميعة هذم إلي يحكيو بحرية التعبير، ماهم مستعدين بش يطبقوها كان على رواحهم ( كيف الصهاينة بالضبط). يعني هوما ميسالش يفسدوا الجو، أما المدونين لخرين ما عندهمش الحق بش يعترضوا، و كان يعترضوا يوليو هوما إلي يفسدوا في الجو.

و توة يا حسين يبداولك بمدونة ريسوريكسيون، و يتعداو من بعد لتيموريات وفي الأخر بش تلقى روحك تفسخ في مدونات المعارضين لهل الناس، خاطر هوما فنانين، حساسين، يلزمهم يدونو و يعبروا على مشاعرهم الجياشة، والناس لخرين ما عندهمش الحق في التدوين على خاطر يفسدوا في الجو متاعهم!!

و لذلك يا تتحملوا مسؤولية المنهج إلي تنتهجوا فيه، يا نعملوا الكل مع بعضنآآآآآا من أجل تدوين ينفع المجتمع التونسي.

الراجل راجل و الكلب يقعد كلب

2009-09-16T10:14:00.005+01:00

منتظر الزيدي دخل التاريخ من باب الرجولية كي طيش صباتو على أحقر بشر (هوكا ما قلتش إنسان) في العالم. و الله تطييش صباط على جلغتو أضعف الإيمان كيف واحد يغير عل الوطن متاعو!

أما شوف حكمة ربنا يا واد، شوف حكمة ربنا!! اللحاسة إلي حاطينهم يحكمو في العراق و يخدموا في الحكومة الأمريكية موش العراقيين (حوس إفهم)، الأوباش هاذم شدو مزبلو بحالو و زيد حكمو عليه ب3 سنين و زيد عذبوه في الحبس و يحرز إلي الكلب بوش ( و ياسر فيه كلمة كلب، خاطر الكلب هايشة بكمة ما تتشرفش بش تكون كيفو) خرج من الحكم بش نقصولو الحكم للعام.

و بالله شكون حطوا هل القانون متع 3 سنين حبس نحب نعرف، حطتوا حكومة العراق المستقلة زعمة؟

واحد يشوف الضلم بعينه و أقل حاجة ينجم يعملها أنو يتكلم، يدون، يساند المضلومين.

وقتلي الجزائريين حاربوا المستعمر اتهموهم بالشغب و الإرهاب، تقول بلاد بوهم. وقتلي عمر المختار حارب الطليان اتهموه بإثارة العصيان كاينهم الطليان كيف جاو لليبيا شاوروا مواطنينها قبل و وضعوا قوانين متفاهمين عليها في التعامل ما بيناتهم.

صورة لعمر المختار الراجل مربوط،... و الكلاب مسيبة

و توة في عام 2009 حتى شيء ما تبدل، ضربة صباط مع سابق الإصرار و الترصد تساوي عديتك أعوام حبس مع التعذيب. هاذي هي الديمقراطية الغربية، الإنسانية الغربية. صحيح البيوعين عندهم دخل في الحكاية لكن شكون يمول فيهم، ماهم إلا عبد المأمور.

إنت بطل يا منتظر، ما همتكش نفسك، حزت في نفسك كان التشتت إلي عاشو الشعب العراقي في جرت وعود الأمريكان الكاذبة بالديمقراطية و السلام، حزت في نفسك الأرامل و اليتامى، حزت في نفسك ضحايا البطش الأمريكي (قالك شعب صديق و مسالم).

و هذه آخر أخبارو

عاشور و حكاياتو

2009-09-04T11:45:00.002+01:00

عاشور يعيش وليدي، آنا اليوم ما قريتش تدوينتك الكل ما عنديش برشة وقت و أتوة نحاول نكمل نقراها من بعد، أما راك كيف البارح كلك تناقض.

إنت تقول "لا يوجد شيئ اسمه الله فهو مجرد وثن اصطفاه محمد من بين بقية آلهة مكة، " آنا نقلك إلي العرب يؤمنو بالله من قبل لا يجيهم محمد، و لاهم مسيحيين و لاهم يهود.و الله عندهم هو خالقهم ما هوش وثن. طلعوا هبطوا قالك ربنا هذا ما يستجاب لدعانا كان على طريق أولادو و بناتو. قاموا عملوا أصنام تمثل "ذرية" ربي بش يتقربولوا و ما هيش حكاية فن و تسامح لكن تعبد، و ما همش متسامحين مع إلي ما يؤمنش بربي على طريقتهم هوما.

و الدليل على ذلك ملاحقتهم و تعذيبهم للمسلمين. و الإسلام جاء بش يصلح الشرك بربي و يقوللهم عندكم مولى واحد لا عندو ذرية لا شيء، تحبوا تتقربولو، تقربولوا مباشرة من غير أكسسوارات. و كيف محمد قاللهم هكا ما عجبتهمش الحكاية و هو من الأول كلم جماعتو قريش من غير طغيان و إلا تجبر هو كان "منذر"، "رسول"، الهداية موش في يدو لاكن في يد خالقو.

و المسلمين في قريش قداش تعرضو للتسامح و الفن و إعمال العقل هكا و إلا لا يا عاشور! ما و هذا آش تحب تقول! غير المسلم هو المتسامح، أما الله غالب المسلمين متجبرين و طغات أسروهم! هكا شماتة! يعيش وليدي برا أحكي الحكاية هذه لواحد بلاش عقل و إلا نقلك "غني ... و جناحك أكيد بش يرد عليك"

هاذي من ناحية، من ناحية أخرى خرافة أمي سيسي إلي جابدها من موقع تبشيري ( وهذا يأكد الكلام إلي كنت نقول فيه عند تيمور، و هاك تزلعت وحدك وحدك). الخرافة هذه فيها الواقدي و ابن إسحاق إلي مشكوك في صدقهم ( أما هذه حاجة ما تهمش بالنسبة ليك و قرائك)، و تخرج من الحكاية و ما زلت ما عرفتش شكون القاتل و شكون المقتول ؟!! خاطر كل واحد يحكي في الحادثة كيف ما عاشها و كيف ما استنبطها و كيف ما وصلتو!

و كلام الجماعة إلي تتعلل بيه ،أو بالأحرى يتعللوا بيه المبشرين بش يأثروا في المسلمين إلي ما يعرفوا شيء عل الإسلام، الكلام هذا ما عندو حتى صحة من الناحية التاريخية، و لذلك ما عندوا حتى قيمة في تأييد كلامك. و هنا بش نوصل لتناقض آخر في تدوينك، نذكرك شقلت هوني "و أساطير الأولين لازالت تلّقن جيلا بعد جيل شفاهيا ، فلا عجب أن تكون مهنة الفداوي/الحكواتي/المدعوذ الأكثر انتشارا و مكسبا". و هاك إنت طلعت أكثر مدون ياخو بكلام ناس مشكوك في صدقهم و كلام منقول شفاهيا! كاينو عندك الفرقان، يعني تؤمن بيه و بصحتو!! يا عاشور ياخي شنوة دينك؟ يمكن إنت بيدك ما تملكش الجواب! و هذه حاجة ملموسة من تدوينك، نحسك كاينك تلوج على حاجة و ماكش عارف شنية

"مكتوب" علينا الإنحراف و "ضلفة هندي" للي ما يحبش يجي للثنية

2009-08-31T09:54:00.006+01:00

عندي مدة نحب نحكي على مسلل مكتوب، أما ما عرفتش على شنوة بش نبدى نحكي، خاصة إلي آنا عمناول بطلت الفرجة فيه يضهرلي من نهارة إلي قالو ثمة جزء ثاني لهل المسلسل العضيم.

ياخي اليوم في الصباح، نقرا في البلوڨسفير في المدونة آرابـيــــكـــا، تدوينة في نفس الموضوع. الموضوع هذا حيرلي مواجعي و قلت خلي حتى آنا نزيد نقول حويجة في المسلسل هذا. خاصة إلي الإستبلاه و التبهنيس أكثر حاجة تكسرلي كرايمي بعد النفاق.

أولا المسلسل هذا كان بش يتعمل لرمضان عمناول فقط، أما كيف Cactus (ربي يدوم نعمتها) هي الرأس المدبر قرروا بش يشرمطوه للسنا زادة!

و هذا الإختيار تبرره الصفقات ما بينات Cactus و الإذاعة والتلفزة التونسية. و الصفقات هذه الإذاعة والتلفزة التونسية داخلة فيها في الخسارة و خارجة من الربح (المادي بالطبيعة).

ثانيا "الأبطال" متع المسلسل شخصيتهم و تصرفهم مجعولة بطريقة تعطي شرعية للجانب المريض في أخلاقيات المواطن التونسي، موش بش يعالجهم. يعني كاينو المسلل thérapie de groupe مسلطة علينا بش المجتمع التونسي يزيد يفسد موش يتحسن و ياخذو شوكو و دالي و لاخر لزعر (نسيت إسمو) كمثل أعلى لازم نتبعوهم بش نبداو In.

و نتصور الشباب التونسي إلي ديجا محضر نفسيا لاستيعاب مثل هذه التصرفات المنحرفة- و الفضل يرجع للحصص مثل الصنادق و غياب النقد ( ما ريتو حاضر كان في الكرة) و الحصص الفارغة إلي معبية بيهم الإذاعة والتلفزة و ركنsoirée VIP في موزاييك، و و و (الله غالب ما نجمش نذكر كل شيء و نشاء الله إلي ما ذكرتوش ما يتغشش عاد )- قلنا عاد الشباب التونسي إلي شادد في كحة ما هوش بش يتردد لحظة بش يلبي نداء الجماعة إلي متخبية وراء إسم Cactus و يولي الإنحراف عندو هدف حياتو. و اللي بش يتردد و يناقش و يقول كيفاش ما يجيش منو؟ مزمرة عليه و ضلفة هندي تجيه!

و الشىء من مأتاه لا يستغرب! كيفاش تحب واحد منحرف يحسن وضعية بلادو؟ كيفاش تحبو يدور دولابو بالطريقة إلي نعرفوها في مجتمع يطالب بحقوقو و إذا بحقوق غيرو، في مجتمع متضامن موش أناني، في مجتمع متثقف موش شاددلي في الشوالق، في مجتمع متحضر في مجتمع يخمم في مستقبل زغارو موش كيفاس بش يعدي الوقت الحاضر؟

رد متواضع لسي طارق

2009-08-24T11:53:00.001+01:00

أستاذ طارق،
حبيت نرد عليك في المدونة متاعي، لأسباب تقنية بحتة.

الرد بش يكون على تدوينتك هاذي: فتوى.

تحكي على فتوى أصدرها الشيخ القرضاوي، و كانت ناتجة على حادثة وقعت في الطيارة و هي أنو "قائد الطائرة الأجنبي غير المسلم يعلن أنه حان وقت الإفطار "مع أن الشمس ساطعة والنهار بين"، مشيرا إلى أن حجة قائد الطائرة كانت "أن المغرب تحتنا قد حل"".

نذكر إلي الشيخ كان مسافر وقتها من مصر إلى الدوحة ، يعني مسافة صغيرة و إذا واحد ينجم يصوم، يصوم ما فيها باس و ما يقعدش يرجع في الدين متاعو. و أنا شخصيا جربت الصيام في الطيارة لمسافات قصيرة و النهار يتعدى لاباس، الحاجة الوحيدة إلي تكسرلي كرايمي هي الديوانة التونسية!

و لذلك "الفتوى" تخص الناس إلي تحب تصوم في الطيارة، و اللي ما يحبش يصوم ما يصوموش و ينجم يرجع الدين متاعو بعد رمضان.

هاذي من ناحية.

و في ما يخص الجملة هاذي " ما يهمّش الأرض مدوّرة واتدور موش الشمس طالعة هابطة عليها هههه" هههههه الله غالب ما نجمتش نشد روحي من الضحك، خاطر:
- أولا تحب تتهكم على فكرة أنو الغروب متع الشمس اللي يشوفو البشر ما عندو حتى صلة بالألتيتيد إلو هو فيها: يعني الإنسان عندك إنت في نفس النقطة في الأرض ينجم يشوف غروب الشمس فرد وقت كيف يبدى على سطح الأرض و إلا يبدى في الطيارة على خاطر الأرض مدورة و على خاطر إلي قال عكس هذا هو واحد جاهل على خاطر عالم في الدين ( Donc ما ينجم يكون كان جاهل بالعلوم الأخرى)
- ثانيا خاطر إلي يقرا السيرة الذاتية متاعك، يلقى إلي إنت:DPhil candidate in Science and Technology Studies at" Keble College, University of Oxford"

باهي شوف الصورة البريئة متع الأطفال هذه بشنوة توحيلك و افهم وحدك وحدك عاد إنت متاع العلوم ؛) و شوف كيفاش على خاطر الأرض مدورة، على هذاكة الإنسان إلي في الطيارة يشوف المغرب بعد إلي يبدى في دويرتو في نفس النقطة في الأرض

هاك تعلمت حويجة لخرة من هل الفتوى الضلامية هههههههههه

و أخيرا القرضاوي ماهوش راهب من الرهبان بش يقمع روحو في الدنيا، هو حر يعمل حتى طائرة خاصة بيه، أمورو!

هذا الكل بش نقول، تحبو تنقدو، أنقدو حتى حد ما شدكم أما بربي قولو حويجة صحيحة لخرة و ماتبتاوش تمخورو راهو الناس ما همش أغبياء كيما ماشي في بالكم، يعني ما تستبهلوناش ياسر ؛)

رمضان مبروك للي يعتبرو مبروك

2009-08-21T14:40:00.006+01:00

رمضان جاء شاء من شاء وأبى من أبى!

و التعلات المجبودة مل الحيط بش يفسرولنا بيهم :
- إلي رمضان حاجة خطيرة فوق تصور البشر، قالك البشر يبدى عاقل كالحمل الوديع، فجأة يصوم، يولي قتال رواح و سارق و غشاش.
-واللي مشكلة الدزان عل الخبز من رمضان بيدو (كاينو عبد هذا رمضان) موش من سلوكيات العباد! لا بلكل! تي قالك التونسي يكون في قمة التحضر، يجيه رمضان، يولي وحش مسيب!
- إلي العباد كيف يجي رمضان، تسيب الدنيا الكل و مشاكلها (فقر، استغلال)، تبعد عل العلم و تتلهى في سيدك رمضان. يعني كاينو العبد ما ينجمش يصوم و يصلي و فرد وقت يخدم، يتعلم يعلم، يفيد المجتمع. حسب التعلات هذم الإنسان في رمضان يولي متجبر متخلف! خاطر يا يصوم يا يتطور!!! واحد منهم ما ينجمش الزوز فرد وقت، عندنا مخ واحد و يلزمنا نسايسو عليه

التعلات هذم، كيفاش ينجم واحد ينعتهم؟إممممممم... مقنعين ياسر! أما الله غالب أحنا المسلمين أغبياء، و نقعدوا طول عمرنا أغبياء على خاطر مسلمين. لذلك أحنا السنا زادة بش نصومو رغم إلي جاي في الصيف و الإنتاجية بش تطيح و بش نتحولو لمجرمين.

و لأننا أحنا أغبياء و متخلفين قرر بعض المدونين المتثقفين و الأذكياء، مشكورين فعلا على المجهود الجبار إلي يبذلو فيه الأيامات، بالقيام بحملة توعية في الوقاية موش من السلوكيات المنحرفة، لاكن من الصوم بيدو بعدلي أثبتوا علميا أنو الصوم يتسبب في التخلف إلي نعيشوه في الشهر هذا.

بالطبيعة المدونين هذم، ذوي العزيمة الجبارة -إلي تهد الحيوط- في عدم الصيام و في ترشف القهوة في شارع الحبيب بورقيبة في وضح النهار في شهر رمضان، الناس هذم ماهمش مستحقين بش يفسروا علاش هوما ما يصوموش، خاطر هوم مقتنعين في وجوب عدم الصيام إقتناع ما يزعزو حتى غزرة قاسية من مار في شارع الحبيب بورقيبة، و يقعد متمسمر غادي في كرسيه ما يحركو شيء.

و لذلك ما تفهموش تدويناتهم على أنها تفسير لإختيارهم يفضح ضعف شخصيتهم، لا، تمشيوش تفهمو هكا!

دايور، عمركمشي ريتو مسلم يفسر علاش هو يصوم. هو مقتنع باختيارو، ما ثماش علاش بش يعطي أدلة! كان إنت سئلتو أهو ك يفسرلك، كان ما سئلتوش ما يحسش بروحو ملزوز بش يحكي في الموضوع. هذه حكاية بيناتو هو و خالقو.

و بالمناسبة هاذي، نتوجه بالشكر (حلوة الجملة هذه) لصاحبة مدونة بنت عايلة، إلي برشة عباد ما فهموش مدوناتها هذه و هذه، و إلي قايمة بالواجب على طريقتها في الإنذار من عواقب هذا الشهر الفضيل.

أيا رمضانكم مبروك

أجواء عربية متخلفة

2009-07-28T14:46:00.002+01:00

أيا نشاء الله مبروك علينا العرب الكل بانطلاق ... شنوة زعمة صاروخ؟ لا! بانطلاق المنتدى الألف متع المشاغل العربية من صنف "هل صحيح كلمة (باي) معناها في رعاية البابا المقدس؟؟" بالله جاوبوها تعملوا مزية، ما تخلويهاش ضايعة مسكينة!

شاهية نهار يجيو يباركولي بافتتاح مسابقة عربية متع روبوتيك، و إلا متع أحسن إختراع!

و إلا يتشاركولنا دول الخليج في نازا عربية و إلا Silicon Valley عربية و إلا مركز ابحاث في علم الانساب يخدموا فيها كان المواهب العربية موش الأمريكية و غيرها! و ينتشر منها العلم بش يعم الدول العربية الكل!

يضهرلي خير ببرشا من الجدران إلي يبنيو فيها على السبخ متاعنا! و إلا تصعب علينا هذه!

يضهرلي حتى آنا بش نعمل جروب فايسبوكي ثماش ما ندائي يستجاب و نشارك في مسابقة روبوتيك!

جنة و الله جنة تونس يا وطننا

2009-07-27T15:40:00.012+01:00

تونس بلد الفرح الدائم! هذا باش يحبوا يقنعونا في التقرير التالي:

La Tunisie a été classée par le «Happy Planet Index» 29ème sur un total de 143 pays listés, selon un rapport publié récemment par la «New Economics Fondation» (NEF), groupe de réflexion britannique.

Le rapport qui couvre 99 pc de la population du globe, calcule l'indice de la planète heureuse sur la base de trois déterminants : l'empreinte écologique (exploitation rationnelle des ressources), le bien-être exprimé (qualité de vie des gens) et l'espérance de vie des individus (santé).

Le NEF qui rappelle que l'espérance de vie en Tunisie est de 73,5 ans, lui accorde 5,9 points pour la qualité de vie et 1,8 point pour l'empreinte écologique, avec un score de 54,3 points sur un total de 100.

La Tunisie enregistre de meilleurs résultats que des pays développés à l'instar de la Hollande classée (43), l'Allemagne (51), la Suisse (52), la Belgique (64), l'Italie (69), la France (71), la grande Bretagne (74), le Canada (89), l'Australie (102) et les Etats Unis (114).

Cet indice ''innovant'' par rapport à d'autres classements, vise à montrer l'efficacité avec laquelle les nations transforment la planète en ressources naturelles pour une vie heureuse de leurs citoyens.

D'autre part, ce résultat conforte le classement de la Tunisie par le rapport annuel de l'observatoire de la qualité de vie dans le monde '' International Living'', en tête des pays arabes où il est agréable de vivre.
D'après TAP

تونس طلعت ،كيما عودتنا، خير من برشة دول متقدمة ( أوروبا و الولايات المتحدة الأمريكية) إلي يلزمهم يفيقوا على وضعهم المرزي و يتبعونا و ياخذونا قدوة ليهم في البراعات اليدوية التونسية فماش ما يجيو للثنية!

مشيت عملت طلة على موقع مؤشربلدان الفرح الدائم هنا وهاو آخر المستجدات. المؤشر هذا يعتمد على ثلاثة عناصر أو موديلات (بالمقارنة مع الموديلات في التعليم العالي)، تونس هزت وحدة منهم و الأخرين طيحتهم، نشاء الله تعديهم في الكونترول و تهزهم المرة الجاية.

و الدراسة هذه تعتمد على عدد الموديلات (les modules) المهزوزة و المعدل فيهم، بش تستنتج الترتيب متع البلدان المرحة.

الترتيب الجملي

الموديلات هم:

- العمر المتوقع عند الولادة
- جودة الحياة ( باهية، خايبة، متوسطة)
- البصمة الإيكولوجية: يقصدوا بها مقدار الموارد المستخدمة للفرد الواحد. واحنا الكل نعرفوا مجهودات الدولة الجبارة بش توفرلنا الموارد البشرية المسلطة علينا، لتوفير راحتنا و حفظ حقوقنا و بالأخص واجباتنا. و أحنا قد ما نشكروها دولتنا العضيمة و شويا فيها.

الحاصل الموديل إلي هزتو تونس و عن جدارة هو "البصمة الإيكولوجية" و هذا لوجيك برشة، على خاطر كيف ما تبداش عندك برشة موارد بش توفرها للأفراد ما تنجمش تلوث برشة، على عكس الولايات المتحدة إلي ملونة بالأحمر على الخريطة على خاطرعندهم العديد من الموارد و بالتالي هي تلوث برشة. بالعربي تونس ما بذلت حتى مجهود بش توصل للنتيجة، بعدلي بطبيعتنا ما عندنا شيء، و ما نعرفش كان قلة الموارد في بلاد متخلفة يدل على حاجة باهية!

المعدل حسب البصمة الإيكولوجية

و كيف ما تنجموا تشوفوا في الموقع هنا، النيجر و التشاد و مالي و الكنغو خير منا في المعدل!

ما عليناش، نجيو توة لmodule آخر يهمنا أكثر هو "جودة الحياة" إلي في تونس طلعت متوسطة يااااسر.تونس جابت 5.9 و حتى مصر ،بالفقر و المزيريا إلي نشوفوها في الأخبار، مسلكينها علينا خاطر جايبين معدل 6,7 و تنجموا تثبتوا هنا.

المعدل حسب جودة الحياة

يعني ما ثم علاش نفتخرو!!

و أخيرا الحاجة إلي ضحكتني برشا هو أنو الموقع يقول أنو الإحصائيات هذه أثبتب أنو ما ثم حتى بلاد أمورها في العنبر بل أنو بل العكس، الدراسة هذه بينت أنو البلدان الكل المدرجة في الإحصائيات عندها مشاكلها و هذه الإحصائيات ما تعطيش مؤشر على سياسة حكيمة.

و الأطرف من هذا أنهم إستعملوا كلمة HAPPY للسخرية فقط، لأنو وقتلي تحل الموقع تلقى العنوان الساخر هذا:

و هذا التفسير إلي قريتو في الموقع:

هههههه شبعة ضحك عل البهامة "الصحفية التونسية" :)))))

شقولك نكورو؟

2009-07-24T13:57:00.003+01:00

اسرائيل كيف ما عودتنا بالاستفزاز اليومي متاعها، ما بخلتش علينا بآخر طقطوقة. شينة الحكاية؟

شركة اتصالات حبت تعمل إشهار، ضهرلهم بش يستعملو الفلسطنيين و الجدار الفاصل ما بيناتهم بش يصوروا إشهارهم و يفهمونا شنوة معنتها سلام، تنجموا تتفرجوا فيها هنا.

توة بالله يتمنيكو على شكون، للدرجة هذه يحبوا يوريو للعالم قداش هوما جنودهم وليدات صغار ميثاليين يلبسوا مرايات كيف جلعاط شليط و يضحكوا في ضحكة بريئة، و هوما مسيكنات يحبوا يكوروا مع وخياتهم الفلسطينين. أما الله غالب كيف يسطحوا الكرة وراء الجدار الفاصل إلي موجود من أول الدنيا، و وجودو عادي ياسر، كيف يسطحوا الكرة يتغشش عليهم جارهم و يبعثلهم قنابل تقتل النمال الموجود في الأراضي الزراعية متاعهم (أي بالطبيعة متاعهم، شبيك تغزرلي هكا؟!!)، آه و قالك مرة كسرت شجرة في ثنين. ملا جار قداشو مستبد!!

على كل حال الفلسطينين ما قصروش المرة هاذي كيف استعملوا مقاومة ذكية و في بلاصتها للرد على الإستفزاز الصهيوني، تنجموا تتفرجوا فيها هنا.

أهوكة في الحقيقة، طلعوا الفلسطينين هوما المستبدين إلي يسطحوا الكرة عند الجار، و الجار هو المسكين إلي يدافع على روحو برمي القنابل المسيلة للدموع! لا حول و لا قوة إلا بالله!

التونسي معوج و يفتخر

2009-07-22T11:48:00.004+01:00

التونسي معوج و يفتخر، أو كيفاش التونسي يتخذ منطق "ملأ الفراغ بما يناسب ذلك" - كيف ما علموه في الروضة - حجة لتبرير العوج متاعو و يخرجك إنت غالط في الاخر. آنا سأكتفي بنقل أحداث واقعية ،عادية، تصير يوميا في الأماكن العمومية، و الأحداث هذه، بالرغم إلي هي مجرد عينة، إلا أنها تعبر على طريقة تونسية في التعامل مع المواطنين في كنف الإحترام و الود و الأخوة:

- الحادثة الأولة: المكان، بانكة ماكلة كبوت في تونس و نخمم بش نفصع منها، في صف طويل عريض متع ناس تستنا في طريقها بش تقضي شؤونها، تحت سقف خايخ قريب بش يطيح على ريوسنا و شادينو بزوز عرس حديد.أختكم شادة الصف و قريب بش يجي دوري، آنا الأولة - إلى أن يأتي ما يخالف ذلك - و قدامي مواطن يقضي في شؤونو. أحنا هكا، تجي مرا شلك شلك، تتعدى الصف الكل و تشد جنب الراجل، تلصق فيه، آنا بالعمل قلت هذه مرتو! يجي دوري، تتزرف قدام الموضف.
- آنا " يا مادام! ما شفتش الصف قدامك. ماعجبناكش ياخي، لا آنا، لا إلي ورايا ، لا إلي ورا ورايا؟!! و إلا الصف مجعول للحياونات و البشر ما ياقفش فيه! تي حتى في الروضة علمونا نشدوا الصف! "
- هي " و انت شبيك ما قدمتش كيف ريتني فتك في الصف!"، يعني للمتحضرين إلي مستانسين بالنضام في الغرب، تقصد إلي ثم بلاصة شبه فارغة في الصف و هي جات تملي الفراغ. هي شبه فارغة بش آنا نخلي الراجل في راحتو و مانبداش لاصقة بجنبو أولا لأنو الراجل ما نعرفوش ثانيا بش هو ما يحسش بالحرج. أما هذا شيء قوي على طاستها ما تنجمش تفهمو كيف ما تنشمج تفهم إلي كيف ترا صف يلزم تاقف في آخره موش في أولوه.

بالطبيعة ما نيش بش نحكي على ردة فعل الموضف، على خاطر في البانكة هذيكة بالذات ينتدبو كان الفاشلين. هو إذا معذور.

- الحادثة الثانية: المكان مفترق طرقات. سيارة جاية من طريق عندها فيه الأولية يسوق فيها أ. و سيارة يسوق فيها م. جاية من طريق عندها فيه علامة "قف" و ما أدراك ما علامة "قف" إلي طاح قدرها و حتى علامة "إفسح المجال" يعني بالعربي "ليست لك الأولية... باش تفهم يا مصتك لازمك تفسح المجال"، حتى العلامة هذه قدرها خير من علامة "قف" و ساعات ياقفو فيها العباد حتى كيف ما تبدى حتى كرهبة عندها الأولية جاية، بالأخص كيف يبداو الحنوشة مخبيين وراها.

ما عليناش أ. يسوق و يشوف في م.، يقول "لا أحنا في بلاد يستتب فيها الإحترام المتبادل، هو أكيد بش يا قف".

م. يشوف في أ. جاي و زادة يشوف في فراغ قدامو، و تتحرك فيه مشاعر الطفولة و يتذكر اللعبة المفضلة متاعو متع ملأ الفراغات، و يعمل هكا يتزرف قدام أ. و شعرة لا يدخل فيه. هي الحكاية كانت تنجم تاقف غادي و كل واحد يمشي على روحو.

لكن م. يشعر بنفسو محق و مفتخر بالعوج متاعو. يخلط على أ. في الfeu و يقلو "ياخي أحنا في كورس! ياخي ما تشوفش فيا engagé!" نفسر للمتحضرين إلي يستخاليو إلي في تونس نطبقو في قانون السياقة كيف ما تعلمناه و يا ما صرفنا فلوس بش تعلمناه، راهو كيف سيارة تبدى engagée في الطريق يعني عجاليها الأربعة تدور، ما يحقش عليها تمركي الستوب، يعني توقف عجاليها الأربعة، كان كيف تشوف الحنش و أغلب الأحيان يكون فات الأوان.
أ. يجاوبو "لكن إنت يلزم تاقف في الستوب و ما وقفتش! آنا عندي الأولية بش نتعدى، يعني نتعدى آنا و من بعد إنت"
م." إنت ياسر عدواني! زايد نقعدو ديما متخلفين!" و يعمل هكا يشعل الأخضر، يدور م. عل اليسار وقتلي هو كان شادد يمينو و يقص على زوز كراهب ماشين طول. و من بعد يدور عل اليمين، يلقى علامة "قف" بالطبيعة ما يقفش فيها على خاطر engagé!

هو الإنسان موش معصوم من الخطأ. لكن ثم فرق ما بينات إلي يغلط و يستعرف بغلطتو و يطلب السماح و كان ينجم يصلح غلطتو زادة ما فيها باس، هذا يدل على أنو صادق في طلب السماح موش "سامحني، و تو قيني خليني رايض!!"، و مابينات إلي يغلط و يفتخر بالغلطة متاعو و زيد يخرجك إنت الضالم و هو مسكين ضحية من ضحايا العدوانية متاعك يعني

"ضربني و بكى سبقني و شكى".

يا جبورة براو شوفو شكون يربيكم بالباهي

2009-07-19T21:56:00.002+01:00

الله غالب بش نتلز كيما بقية المدونين، نستعمل الإشراف على التعاليق قبل نشرها!

بعد ما كملت صليت، ضهرلي بش نعمل طلة على المدونة. نلقى واحد مريض من المرضى إلي نحكي عليهم مخلي تعاليق فاوحة كيف ريحة فمو المنتن.

حاسيلو نعرف إلي بش تتفهمو. موش أول مرة و إلا آخر مر ة تصير في البلوغوسفير.

يا آنونيم الباهي، هاك شد اعطيها لواحد يعرف كيفاش يربيك بيها

أختاه أين أنت منه؟ (2)

2009-07-17T13:15:00.003+01:00

ثم ناس همها الوحيد في الدنيا هذه أنهم يدعيو النساء للتحجب باعتبارو شرط لازم بش الراجل يعتبر المرأة عفيفة و مسلمة، ما كانش راهي باز كافرة و عاهرة و بوها و إلا راجلها بيه و عليه و موش راجل إلخ إلخ...

و هذاكا حال الدعات اليوم. بلاش الحجاب المرأة تولي كافرة، ما يصحش الزواج بيها، صلاتها ما تصحش...

آنا ما فهمتش منين جابوهم الإتهامات هذم ، قراوهم في القرآن زعمة. هوما ما يحبوش يفسرولنا شنوة يقصدوا بالحجاب. إيجا ساعة نتفاهموا على معنى الحجاب بش نعرفوا شكون ما هيش متحجبة و بش نلوجوا في القرآن الآية و إلا الآيات إلي توجه في الإتهمات الخطيرة هذه لغير المتحجبات.

يا توانسة، بالكشي في بالكم إلي النوعية متاع الدعات المودرن إلي تسمعوا فيهم الأيامات هذه يحكيو على الحجاب إلي نعرفوه في تونس: يعني لباس فضفاض و محتشم و فولارة هه
( بالطبيعة ما نيش بش نجبد عل البنيات إلي يلبسوا لبسة لاصقة في بدنهم، و جين تاي باس و حاطة فولارة مزركشة على راسها، خاطر تتمنيك على روحها و كان تنحيه خير)

راكم غالطين على طول الخط، الناس هذم إلي يقنعوا في النساء بش تتحجب ما كانش يكفروهم، عندهم فكرة أخرى على الحجاب.

من الأول يبدا يقلك : غطي شعرك بش ترضي المسلمين و تحافظ عل الأمة الإسلامية. تقوم إنت تلبس فولارة. باهي.

تزيد مديدة تكتشف إلي النوع هذا من الحجاب، متبرج، أي متبرج و إنت فيبالك إلي إنت متحجبة. أوه وعليك، الفتنة بش تندلع من كيفك و من أمثالك. تقوم تلبس عباية كحلة من المستحسن تشريها من السعودية خاطر تونس بلد كافر. باهي ياسر، هاك في الطريق المستقيم توة، وليت عفيفة باللبسة متاعك، ما زلنا ماحكيناش عل الأخلاق. يكفي أنك تكون لابسة عباية كحلة و لسانك ما ثماش ما أنتن منو ،و ما عندك حتى احترام لحتى بشر بش ما تندلعش فتنة. تزيد مديدة أخرى، تكتشف إلي إنت ما يطلق عليه بالسافرة. أوه ما أخيبش و ما أقبحش من السافرة، إنت في أحسن الأحوال متبرجة. و زيد بش يبدى في بالك ما يصحش أنو مسلم يتزوج بسافرة. اش بش تعمل توة؟! نلبس النقاب.

بالكشي في بالكم إلي الحكاية بش تاقف في النقاب. لا بالطبيعة على خاطر بش تتنحى الفتنة و الإختلاط فرد مرة و يرتاح العالم الكل من المشاكل و من النساء، يلزمك تقعد في الدار ما تخرجج، و بالطبيعة ما تمشيش تقرى و ما تمشيش تخدم ...

يعني إنت يا مرا بالنسبة للناس هذم مهما عملت ما تنجمش ترضيهم. و لذلك خمم في عقلك قبل ما تتخذ قرار، و هل إنت بش تلبس بش يرضاو عليك الناس و إلا بش يرضى عليك ربي؟! هل أنك ترين في غطاء الرأس مجرد فريضة دينية أم هو وسيلة لكي يتهرب المرضى من مسؤولياتهم و لكي يعطي الحق لهؤلاء في مضايقة بنات الناس. "إلبس ما كانش راني نتعتدى عليك و كان تعديت عليك راهو منك موش مني!!!" هذه الفكرة إلي يحبوا يزرعوها بالسيف في مخاخ العباد من غير حتى دليل في القرآن. أحنا في تونس ما ناش حاسين بمشاكل برشا نساء متحجبات في إيران و في السعودية تعرضو للإغتصاب، و الأتعس من هذا أنو المشايخ متاعهم يتهموا المرا قبل الراجل! على هذاكا نقللكم مهما عملنا أحنا النساء، ديما المشكلة منا أحنا موش مل المرضى

أختاه أين أنت منه؟ (1)

2009-07-16T18:07:00.003+01:00

اليوم قررت بش نحكي على لباس المرأة المسلمة، بالأخص وقتلي في الآونة الأخيرة نعرف مرا مشات حجت (نشاء الله عاقبة للمؤمنين الكل) و من بعد ما روحت تحجبت. آنا في الواقع نحترم إختيارها هذا بالأخص كيف تختار بش تلبس غطاء الرأس باعتبارو فريضة دينية. لا أكثر و لا أقل!

آنا الحقيقة لحد الآن ما اقتنعتش كونو تغطية الرأس فريضة، قد ماني مقتنعة أنو المرا المؤمنة لازم تكون لابسة لباس محتشم و موش مفصللها بدنها، إستنادا لهذه الآية

"يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين" (سورة الأحزاب 59:33)

وهذا نرا فيه حفض لكرامة المرأة في مجتمع فيه برشة جبورة. لكن هذا ما يعطيش الحق لالذكورة (أهوك ما قلتش رجال خاطر ثم فرق في المعنى) باش يتحرشو باللي ماشية و إلي جاية، خاطر ربي موصي المؤمنين الكل بغظ البصر.

ثمة عباد تتهجم عل المتحجبات و تقوللهم إلي الحجاب ما هوش واجب و ما ثم حتى شيء يشيرلو في القرآن و هذه حاجة مستوردة من إيران والوهابيين و إلخ إلخ إلخ...

هنا نقوللهم تغلطوا شوية، صحيح كلمة الحجاب المستعملة في القرآن ما تشيرش لغطاء الرأس، عل خاطر غطاء الرأس بالعربي يولي خمار موش حجاب و الإشارة ليه موجودة في الآية هذه

"وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن" (سورة النور 24:31)

وهنا تنجم تفهم الآية هذه بطريقتين:
- الخمار لباس موجود من عهد الجاهلية يلبسوه النساء على ريوسهم و يرميوه اللتالي بطريقة يبدى الديكولتي ضاهر. ربي أمرهم بش يغطيو أكل الديكولتي بإسدال الخمار عليه، لكن في الآية ما شفتش حاجة تأكد وجوب لبس الخمار باعتبار وقتها النساء الكل تلبس فيه. يعني تنجم تكون الخلاصة أنو المراء يجب عليها ستر بدنها الكل ما عدى الرأس.

- الطريقة الثانية لفهم هذه الآية، أنو وحدك وحدك يلزم تفهم إلي الخمار يولي واجب باعتبارو تجبد في آية قرآنية تحدد الطريقة الأصح في ارتدائه، مع شوية أحاديث نبوية تصب في نفس السياق، تولي النتيجة أنو المرا واجب عليها بش تغطي راسها يعني ما عادش مجرد "موضة". كيف الحج كان من عهد الجاهلية موجود والناس عرايا تدور عل الكعبة و تدعي في الأصنام ، كيف جاء الإسلام ولى واجب بطريقة أخرى. ما تستغربوش ياسر، بالكشي في بالكم الرسول محمد صلى الله عليه و سلم أول رسول جاء لالعرب! ثم قبلو برشة، حتى أنو العرب في الجاهلية كانو يؤمنو بالله، لاكن في نضرهم الله كان إلاه الكون و عندو أولاد و بنات و زوجات إلي مثلوهم في أصنام و سيبو الرسمي و جدو يعبدو فيهم.

يعني الآية هذه تنجم تفهمها بزوز طرق و بالطبيعة إذا واحد فينا موش موافق الطرف المقابل موش لازم يتهجم عليه: هذا ما يكون كان دليل على قلة الحجة و كثرة التجوبير. و هذا ما صار للأسف لالسيدة المتحجبة أ. إلي حكيت عليها من الأول. البارح مستدعية للمة عائلية، تدخل أ.، الأنضار الكل تتلفتلها و يبداو، في لواش لبست في راهو موش حرام كان ما تلبسش، في أكل لابسوتو فوق راسك هاو يجلب الأنضار، في آنا زادة جارتي كانت لاباس عليها ياخي من غدوة ضهرلها بش تلبس، في كيفاش عمت ياخي؟!!! خاطر ثم عباد العوم عندها مايجي كان في 2 بياس، سينون راك تكون خربشتلو كرامتو كان غطيت شوية من بدنك و يغزرلك بغزرة إحتقار خاطر يعتبر فيك إنسان متخلف!

يزي ما حكيت اليوم، غدوة نشاء لله بش نحكي عل الإتجاه المعاكس، أو كيفاش ثم ناس همها الوحيد في الدنيا هذه أنها تحسس المرا أنها عاهرة كان ما تغطيش راسها. القرار الأخير يرجع لالمرأة، يلزم هي تقرر تلبس و إلا لا و يلزم تكون فاهمة علاش خذات القرار هذا و إلا الآخر، موش مغصبين عليها بالسيف بش تلبس و إلا بش تنحي: كان لبست تولي متخلفة، كان ما لبستش تولي عاهرة!!

إسرائيل الدجال فضحوه حبر على ورق

2009-07-02T14:30:00.003+01:00

إسرائيل ما عادش تنجم تكسرلنا راسنا بالأكاذيب و حنا ساكتين عليها لقلة البراهين. هنا تنجم تقلي وين ترا فيها قلة البراهين؟! تي أهوا الديلي موشين يرحم والديه فاضحهم بالفيديوهات متع الصغيرات المغفصة بالقنابل و بآثار الدمار الشامل.

آنا مجربة الحديث مع هاالأوغاد و نجم نقلك برا جرب حل جلغتك و وريهم تصاور الجثت المريعة متع الصغيرات أتوة يخرجولك من أكل الڨمم، آه سامحني من آكل الفم، الجملة القتالة متاعهم "الجيش الإسرائيلي حاول يتفادا غير المسلحين، أما الله غالب شيء أقوا منهم، موش من إسرائيل، من حماس إلي يستعمل في الفلسطنيين كدرع واقي".

الحقيقة آنا ما استسلمتش كي سمعت مثل هذه الخزعبلات و فهمتهم باللتي هي أحسن، إلي حتى لو افترضنا أنو حماس تستعمل في المدنيين كدرع هذا ما يعذرش إطلاق النار على المدنيين بالأخص كيف نشوفوا إستعمال قنابل الفسفور الأبيض على نطاق واسع و في بلدات ماهيش خالية من المدنيين، أو كيف نشوفوا إستعمال أسلحة محرمة للإستهداف ساحة مدرسة يلجؤ فيها المدنيون كيف ما تبينلنا الصورة.

لكن زايد النافع ربي، على كل حال زايد الحديث معا واحد ما يكنلك كان الكره الفطري.

لكن كيف ها لاصهاينة يستعملوا الحجة هاذي لتدمير المدنيين و يتم تتداولها عالميا و في الإعلام لتبرير الأعمال الإجرامية ضد الفلسطنيين، هنا يلزم واحد يوقفهم عند حدهم و هذا ما فعلته Amnesty international يرحم و الديها بردتلي على قلبي.

Amnesty international أصدرت تقرير في العملية الإجرامية إلي قامت بها إسرائيل في الآونة الأخيرة. التقرير هذا ناتج عن تحريات جدية و موش مجرد كلام في الهواء. يعني تنجم تقول لأول مرة عندنا تقرير موضوعي عن ما جرى في غزة.

التقرير هذا يتهم إسرائيل و حماس في إرتكاب جرائم حرب. هدا الموقف معروف عن Amnesty international . لكن الجديد في الحكاية هو أنو التقرير هذا أنكر أنو حماس تكون قامت باتخاذ المدنيين كدرع و حاجة "جديدة"* هو أنو الجيش الإسرائيلي هو صاحب العملة القذرة هذه و حب يلصقها في حماس.

ساعة بش نوضح حاجة قبل ما نكمل، آنا ما عمري ما كنت مساندة لحماس و لأي حركة فلسطينية تقوم بالاستهداف العشوائي للمدنين الإسرائيلين. يعني كان يحبو حركة مقاومة فعلا، يركزوا مجهودهم في محاربة الجيش و المستعمرين للأراضي المحتلة، قبل لا يمشيو يطيشو قنبلة في بلاصة إسرائلية و ما يعرفوهاش شكون بش تضرب: طفل، شيخ، إمرأة حامل. هذا علاوة على أنها حماس تقوم بحبس الفلسطنيين إلي معارضينها و تقوم بتعذيبهم و قتلهم، و حتى فتح تقوم بمثل هذه الأعمال القذرة، يعني "لا في الخرا خيرة" - سامحوني على التعبير الفينوههههه -

نرجعوا لحديثنا، بهل التقرير إسرائيل فقدت، عند الرأي العام على الأقل، الشرعية في ارتكاب الجرائم.

حاجة أخرى وضحها التقرير، و هي مهمة في نضري باعتبار أني ديما نستعملها في مواجهة الصهاينة العنصريين، أنو إسرائيل تمتلك أسلحة "ذكية" يمكنها إستهداف من تشاء حتى لو كان في حركة، و بالطريقة هذه قامت إسرائيل باستهداف من تشاء حتى لو كان يتنقل في سيارته. يعني ما ثمة حتى مبرر لالحملة الإجرامية الواسعة النطاق إلي قامت بها إسرائيل ضد فلسطنيين غزة. و هكذا تضهر النية الحقيقية وراء المجزرة: عقاب فلسطنيين غزة لتأييدهم للمقاومة بدون تمييز بين صغير و كبير، و إضعاف حركة حماس لأنهم كانوا يتصوروا أنو شعبية حماس ستقل بعد هذه المجزرة. بش نعمل مقاربة، كيما كنا صغار في الإبتدائي، كيف معلم يحب يعاقب تلميذ مشاغب، يعاقب الناس الكل بش يسبب إحراج لالتلميذ و بش يكرّه صحابو فيه. يعني إسرائيل حبت تقول لفلسطنيين غزة "آنا السيد و أنت العبد، و إن لم تمتثل لأوامري أقتل أولادك و أشرد عائلتك" أي إهانة و أي تجبر و أي قهر و أي ضلم هذا؟!!!

و إلي تعمل في الشيء هذا تعتبر روحها دولة متحضرة! السماح فيه التحضر كان يجي بالطريقة هاذي.

* هو في الحقيقة موش خبر جديد، لكن كان خبر مشكك فيه و حتى صحافة من الدول الأوروبية و الأمريكية ما تناولت الموضوع بجدية

---------------------------

تحديث:

كنت نتفرج في الاخبار بالعربي، و الحال ما يفرحش، كاينهم ما قراوش التقرير و كايني مؤسسة العفو الدولية منحازة لإسرائيل. قبل ما تصدرو عليها حكم، أقراو التقرير:

http://www.amnesty.org/en/library/asset/MDE15/015/2009/en/8f299083-9a74-4853-860f-0563725e633a/mde150152009en.pdf

يا ناس تعلموا قواعد الحوار قبل ما تبداو تحكيو

2009-07-01T12:12:00.004+01:00

ثم ناس تجي و تخلي تعليق في المدونات و تسميه نقاش، و يبدى مقتنع إلي النقاش هكذا أو لا يكون.

ثم قاعدة في النقاش تقول إلي يلزم إحسان الظن بالطرف المقابل "يا أيها الذين آمنوا اجتنبوا كثيرا من الظن إن بعض الظن إثم" الحجرات 12. ما نعرفش علاش بعض من إخواننا المسلمين و إلي يعتبروا رواحهم قدوة و من خير ما أخرجت الأمة الإسلامية، ما نعرفش علاش ناسين ها القاعدة هاذي في التعامل مع الآخرين.

يعني كي يجي واحد و يكتبلي في تعليق من ضمن ما كتب هنا

"...بمعنى من واجب الفرد المسؤول والي عندو احترام لنفسو خاصة المراة، انها تطالب بامضاء عرائض بتعميم المنع هذاكة باش يشمل تونس زادة، بحيث يقع احترام المراة وعدم معاملتها كسلعة وعرضها من خلال ماتسمى رياضة نسائية

موش كيما تعملي انت وتدعو لعرائض تطالب بالتصدي لمطالب واعية تعمل على صون المراة ومن ثمة المجتمع ككل"

ها الكلام هذا يدل على أنو السيد هذا يحب يقول إلي آنا إنسانة مانيش مسؤولة و موش محترمة زادة على خاطر جيت ،حسب تحليلو، في خانة الناس إلي تدعو لترويج الدعارة عبر الإعتراف لالمرأة بحقها في ممارسة الرياضة!!

هو ما اكتفاش بالتشكيك في نوايايا بل في مهاجمتي شخصيا بطريقة غير مباشرة من نوع "الكلام عليك و المعنى على جارك".

المهاجمات الشخصية تفشل المحاولات في النقاش بل و تدل على أن ممارسها غير قابل لأي نقاش.

هو الحوار كان ينجم يكون بطريقة أخرى بحذف سوء الظن و المهاجمات الشخصية إلي صارت من الأول.

حبيت نستغل "الحادثة" (علاش حادثة، على خاطر ما تصيرش ديما) بش نعطي مثل متع الشبه نقاشات إلي تصير في المدونات، و بش نحدد ما يمكن تفاديه لنجاح النقاشات.

هنا مانيش بش نحكي بالطبيعة على السبان و تطييح القدر خاطر هذاكا ما عمرو ما نجمو نطلقو عليه إسم حوار.

Femmes pilotes en Tunisie: Pétition à signer d'urgence

2009-06-30T10:53:00.008+01:00

Voici le texte de la pétition

"A l'attention de : Fédération Arabe de motocyclisme

Suite à la décision prise par la fédération arabe de motocyclisme: interdire les pilotes tunisiennes de participer aux championnats arabes pour ne pas fâcher l'Arabie Saoudite.
Au nom de droits de l'Homme, nous voulons que nos femmes puissent participer au Rallye et nous déclarons notre indignation suite à cette discrimination!
Nous vous invitons à signer cette pétition afin que nos femmes pilotes soient respectées et puissent participer aux manifestations sportives quel que soit le pays!"

Au lieu de se lamenter sur notre sort comme font certains, passez à l'action en commençant par signer cette pétition, même si ça n'aboutira pas ça montrera à ces barbus qu'on n'est pas leurs brebis dociles.

Cette pétition sera clôturée aujourd'hui. Pour signer, cliquer sur l'image ci dessous, merci.

Si vous le souhaitez, vous pouvez aussi diffuser la pétition à vos amis, car pour le moment il n'y a que 38 signatures.

Michael Jackson: l'artiste n'est pas mort

2009-06-26T11:08:00.004+01:00

Michael Jackson, une légende encore vivante, vivante à travers sa musique, sa créativité et son influence sur la pop music.

"Le roi de la pop est mort, vive sa musique!"

En passant j'ai une remarque à faire. Ce matin dans la radio, j'entends la musique de Michael Jackson - en hommage à l'artiste- dans la radio des jeunes et dans RTCI. Mais pas dans Rotana FM, euh pardon, Musaïque FM: il n'y a que des pubs et de la pseudo musique made in Rotana et Calypso. Normalement la "première radio musicale tunisienne" devrait passer les bests of Michael Jackson et ça prendra la matinée et non seulement quelques minutes. Le monde entier a rendu hommage à cet artiste, c'est que ses fans sont innombrables et c'est le cas en Tunisie. Alors pourquoi cet entêtement à nous polluer les oreilles!!

رافل :سؤال محيّرني ؟

2009-06-25T11:08:00.001+01:00

بالله شكون منكم ينجم يفهمني علاش الراجل في العامين الأولين متاع حياتو الزوجية يتوجب عليه أداء الواجب الوطني؟

شنوة المعيار العلمي، الإقتصادي أو الإجتماعي إلّي تم إعتمادو بش يثبتو إلي ثمة فرق في الحياة الزوجية في ضرف عامين و إلا عامين و نصف؟!

و شنوة هاالفرق إلي يخلي الإنسان ينجم يؤدي الواجب الوطني في العامين الأولين متاع حياتو الزوجية و ما عادش ينجم يؤديه بعد عامين ونهار؟!!

التفلسيف ،في إصدار القوانين، تونسي بحت: و الشيء من مأتاه لا يستغرب!

الإسلام دين تسامح بالسَّيْف عليك ! (3 )

2009-06-22T12:16:00.001+01:00

هيا بنا نرجع لالموضوع إلّي خليتو مسيّب و ما كملتوش.

اليوم بش نفهمو شنوّة معنتها "وَقَاتِلُوهُمْ حَتَّى لاَ تَكُونَ فِتْنَةٌ وَيَكُونَ الدِّينُ كُلُّهُ لِلَّهِ" (الأنفال: 39).
شكون هذم إلّي بش نقاتلوهم. بالطبيعة إلّي ما تبعش المسلسل ننصحوا بش يقرا الحلقات إلّي فاتت بش يعرف الجواب و بش يزيد يفهم شنية "الفتنة".

الفتنة مفسرة من قديم الزمان من طرف العلماء القدم على أنها كفر. هوما فسروها هكا ما نعرفش علاش، بالرغم إلّي في العربية الفصحى ما تتفسرش بمعنى الكفر.

هو في الحقيقة نعرف علاش تفسرت بالكفر في وقت معيّن و نحبكم تفهموا وحدكم بالبراهين إلّي بش نعتيهالكم.

ما نيش بش نتفلسف ياسر المرة هاذي و بش نخلي أهل الفقه يتكلموا (بش ما تقولوليش الكلام هذا جبتو من راسك هههه):

"ومن أهداف القتال التي نصَّ عليها القرآن: منع الفتنة في الدين، وهذا ما صرَّح به القرآن الكريم في آيتين من كتاب الله، إحداهما في سورة البقرة في قوله تعالى: وَقَاتِلُوهُمْ حَتَّى لا تَكُونَ فِتْنَةٌ وَيَكُونَ الدِّينُ لِلَّهِ فَإِنِ انْتَهَوْا فَلا عُدْوَانَ إِلَّا عَلَى الظَّالِمِينَ [البقرة:193].

والثانية في سورة الأنفال في قوله تعالى: وَقَاتِلُوهُمْ حَتَّى لا تَكُونَ فِتْنَةٌ وَيَكُونَ الدِّينُ كُلُّهُ لِلَّهِ فَإِنِ انْتَهَوْا فَإِنَّ اللَّهَ بِمَا يَعْمَلُونَ بَصِيرٌ [الأنفال:39].

فقد حدَّدت الآيتان كلتاهما غاية القتال بأنها: منع الفتنة: حَتَّى لا تَكُونَ فِتْنَةٌ، وهذه نكرة في سياق النفي تعمُّ كل فتنة يمكن أن تتصوَّر هنا: فتنة الإنسان في نفسه، أو في أهله، أو فيمَن يحب من الناس.

والفتنة في اللغة: الاختبار والامتحان، مثل قولهم: فتن الذهب: أي وضعه على النار ليعرف خالصه من زيفه. فالفتنة تعني: الاضطهاد والإيذاء والتعذيب لمَن دخل في الإسلام حتى يرجع عن دينه. وفي هذا يقول القرآن: ثُمَّ إِنَّ رَبَّكَ لِلَّذِينَ هَاجَرُوا مِنْ بَعْدِ مَا فُتِنُوا ثُمَّ جَاهَدُوا وَصَبَرُوا [النحل:110].

وحينما اشتد الأذى والتنكيل بالمؤمنين في مكة، نزل القرآن ليواسيهم ويثبتهم، كما تجلَّى ذلك في أوائل سورة العنكبوت: ألم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ * أَمْ حَسِبَ الَّذِينَ يَعْمَلُونَ السَّيِّئَاتِ أَنْ يَسْبِقُونَا سَاءَ مَا يَحْكُمُونَ [العنكبوت:1-3]. فبيَّن القرآن أن فتنة المؤمنين بالإيذاء والتنكيل: سنة ماضية في الأمم من قبلنا.

وفي السورة نفسها يقول تعالى: وَمِنَ النَّاسِ مَنْ يَقُولُ آمَنَّا بِاللَّهِ فَإِذَا أُوذِيَ فِي اللَّهِ جَعَلَ فِتْنَةَ النَّاسِ كَعَذَابِ اللَّهِ [العنكبوت:10].

وهذا الأسلوب -فتنة المؤمنين عن دينهم بالأذى والعذاب حتى يرتدوا عنه- أسلوب قديم اتَّبعه الكفرة والطغاة مع أهل الإيمان، كما حكى القرآن ذلك في سورة البروج، التي حدثتنا عن الجبابرة الذين خدُّوا الأخاديد، وملأوها نارا، وألقوا فيها كل مؤمن أصرَّ على عقيدته. يقول تعالى: قُتِلَ أَصْحَابُ الْأُخْدُودِ * النَّارِ ذَاتِ الْوَقُودِ * إِذْ هُمْ عَلَيْهَا قُعُودٌ * وَهُمْ عَلَى مَا يَفْعَلُونَ بِالْمُؤْمِنِينَ شُهُودٌ * وَمَا نَقَمُوا مِنْهُمْ إِلَّا أَنْ يُؤْمِنُوا بِاللَّهِ الْعَزِيزِ الْحَمِيدِ * الَّذِي لَهُ مُلْكُ السَّمَاوَاتِ وَالْأَرْضِ وَاللَّهُ عَلَى كُلِّ شَيْءٍ شَهِيدٌ * إِنَّ الَّذِينَ فَتَنُوا الْمُؤْمِنِينَ وَالْمُؤْمِنَاتِ ثُمَّ لَمْ يَتُوبُوا فَلَهُمْ عَذَابُ جَهَنَّمَ وَلَهُمْ عَذَابُ الْحَرِيقِ [البروج:4-10]، فواضح كل الوضوح من الآيات الكريمة: أن الذين فتنوا المؤمنين والمؤمنات هم الذين عذَّبوهم بالنار.

ومن هنا كانت هذه (الفتنة في الدين) أشد شيء خطرا على الإنسان، وعلى حرية اختيار الإنسان، فأن أهل القوة والجبروت يريدون أن يتحكموا في ضمائر الناس، فليس لهم حق الإيمان بما اقتنعت به عقولهم، أو اطمأنت إليه قلوبهم، إلا بإذن الجبابرة وموافقتهم، كما قال فرعون من قديم مُنكرا على السحرة من أبناء مصر: إيمانهم برب موسى وهارون: آمَنْتُمْ لَهُ قَبْلَ أَنْ آذَنَ لَكُمْ [طـه:71، الشعراء:49، الأعراف:123]، معنى ذلك: أنه لا يجوز لعقل أن يقتنع بفكرة، ولا لقلب أن يؤمن بعقيدة إلا بإذن فرعون!!

فإذا خالف وآمن، تعرَّض لبطش فرعون، وتهديده بالتنكيل والتصليب في جذوع النخل، وغيره من ألوان العذاب.

...
ومن البيِّن الواضح: أن الفتنة في الآيتين هي الاضطهاد في الدين، وتعذيب المؤمنين، كما وضَّحناه في الآيات السابقة، وكما يدل عليه السياق بجلاء. فهم الذين آذوا المؤمنين طوال ثلاثة عشر عاما في مكة، وأنزلوا بهم صنوف العذاب، وحاصروهم اقتصاديا واجتماعيا، حتى أكلوا أوراق الشجر، وعذَّبوا المستضعفين منهم، حتى مات بعضهم تحت التعذيب، واستمر هذا التنكيل حتى اضطروهم للخروج من ديارهم بغير حق إلا أن يقولوا: ربنا الله. فهاجر بعضهم مرتين، ثم هاجروا جميعا -إلا مَن عجز- إلى يثرب. ومن المتفق عليه: أن أفضل ما يفسر القرآن بالقرآن. وهذا معنى الفتنة في القرآن.

...
والخلاصة هنا: أن القتال مشروع لغاية، وهي منع الفتنة والاضطهاد في الدين، ورفع أساليب الضغط والإكراه المادي والأدبي عن الناس، وتأمين الحرية للدعوة والدعاة، ليؤمن مَن آمن بحريته، ويكفر مَن كفر باختياره، إذ لا إِكْرَاهَ فِي الدِّينِ قَدْ تَبَيَّنَ الرُّشْدُ مِنَ الْغَيِّ [البقرة:256]، فَمَنِ اهْتَدَى فَإِنَّمَا يَهْتَدِي لِنَفْسِهِ وَمَنْ ضَلَّ فَإِنَّمَا يَضِلُّ عَلَيْهَا [يونس:108].

وأما ما ورد عن بعض مفسري السلف، الذين فسروا الفتنة بأنها: (الشرك) أو (الكفر)، فهو خروج عن ظاهر المعنى الذي يؤدِّيه اللفظ، وهو تفسيرُ غيرِ معصوم، ولا حجة في قول أحد إلا قول رسول الله . ولا يوجد عنه نص في ذلك. ولعل مرادهم: أن الشرك في ذلك الوقت وفي أرض العرب خاصة، كان مرتعا للشر، ومباءة للإثم والعدوان، وأن بقاء الشرك بقوته: مُهدِّد للإسلام الناشئ، وللمسلمين الجُدد بطبيعته العدوانية. فمعنى (حتى لا يكون شرك): أيْ شرك متجبِّر في الأرض، أي حتى تقلَّم أظفار العدوان، وتخلع أنيابه المفترسة، ولا يبقى مَن يفتن الناس. وذكر في (تفسير المنار) ما قاله بعض المفسرين القدامى: أن الفتنة هي الشرك. قال: وردَّه الأستاذ الإمام (محمد عبده) بأنه يُخرج الآيات عن سياقها. وذكره البيضاوي هنا بصيغة التضعيف (قيل).

وقال في معنى قوله تعالى: حَتَّى لا تَكُونَ فِتْنَةٌ: أي حتى لا تكون لهم قوة يفتنونكم بها ويؤذونكم لأجل الدين، ويمنعونكم من إظهاره أو الدعوة إليه.

ومعنى قوله وَيَكُونَ الدِّينُ لِلَّهِ، وفي سورة الأنفال: وَيَكُونَ الدِّينُ كُلُّهُ لِلَّهِ: أي يكون دين كل شخص خالصا لله، لا أثر لخشية غيره فيه، فلا يُفتن لصدِّه عنه، ولا يؤذَى فيه، ولا يحتاج فيه إلى المداهنة والمداراة، أو الاستخفاء أو المحاباة، وقد كانت مكة إلى هذا العهد قرار الشرك، والكعبة مستودع الأصنام، فالمشرك فيها حر في ضلالته، والمؤمن مغلوب على هدايته.

على أن هناك من المفسرين مَن أبقى لفظ الـفِتْنَةٌ على معناه الأصلي المتبادر منه، ولم يَمِل به عن أصله.
...

http://www.qaradawi.net/site/topics/article.asp?cu_no=2&item_no=4538&version=1&template_id=256&parent_id=12

Retour après une longue absence

2009-06-22T10:41:00.004+01:00

J'étais absente pendant la semaine dernière. Je n'y pouvais rien! Travail oblige en plus j'étais en pleine préparation pour l'anniversaire de mon bébé. Elle a un an déjà! Le temps passe très vite.

J'ai fêté son anniversaire samedi dernier, et c'était le stress totale, je vous épargne les détails, mais dès le matin c'était le cauchemar. J'ai voulu fêté son anniversaire chez ma belle mère et quand j'arrive le matin chez elle, je trouve la salle de bain dans le salon!!! Je ne sais pas pourquoi elle a voulu faire les travaux d'embellissement de sa salle de bain le jour même de l'anniversaire de ma fille. En plus il y avait un peintre qui fignolait la peinture de la terrasse! On a fait appel à 4 femmes de ménages et elles n'ont terminé que tard la journée!!!

Bref, j'étais affolée de voir ça, moi qui voulais une fête d'anniversaire parfaite. En plus pour couronner le tout, le prestataire de location des articles de fêtes ne nous a pas livré les chaises, alors on a fait appel à un autre prestataire qui nous a dépanné au dernier moment.

Heureusement que la fête s'est globalement bien passée bien que les invités ont du patienter pour se faire servir car ils sont arrivés alors qu'on était encore en train de faire la décoration, d'installer le buffet et de préparer le thé.

Ma belle mère est très gentille et je l'aime bien, mais ce jour là j'étais un peu fâchée car elle aurait du m'avertir auparavant de ses intentions et ainsi j'aurais retardé la date de l'anniversaire! Ca aurait été plus simple et plus convenable pour tout le monde.

الإسلام دين تسامح بالسَّيْف عليك ! (2)

2009-06-11T13:00:00.002+01:00

كنت عملت مقدّمة هنا على محور هذه السلسلة متع المدونات و فسّرت أسبابها.
و توّة بش نحكي على آية السيف و شنوما الآيات و القيم إلّي يقال أنّها نسختهم و كيفاش المنطق السليم مع شويّة آيات بينات من القرآن يقللنا إلّي الآية هذه (آية السيف) ما تنجمش تنسخ حتى آية.

شنيّة آية السيف؟ هو في الحقيقة "العلماء الأفاضل" إلّي أشرتلهم في المدونة السابقة هوما بيدهم ما همش متفاهمين عليها! زعمة هي "وقاتلوا المشركين كافة كما يقاتلونكم كافة" (التوبة: 36) و إلّا هي "انفروا خفافا وثقالا وجاهدوا بأموالكم وأنفسكم في سبيل الله" (التوبة: 41) و إلّا بالكشي "قاتلوا الذين لا يؤمنون بالله ولا باليوم الآخر ولا يحرمون ما حرم الله ورسوله ولا يدينون دين الحق من الذين أوتوا الكتاب حتى يعطوا الجزية عن يد وهم صاغرون" (التوبة: 29)؟؟

بداية باهية ياسر و تبشّر ياسر! هوما متفاهمين إلّي آية السيف هاذي متواجدة في سورة التوبة و اللي هي لازم بش تكون ناسخة آية و إلّا 100، أما موش متفاهمين شنيّة هي. خطاب غريب و منطق أغرب!!

هي أكثر آية شاع فيها إلّي هي آية السيف هي هذه :
"فَإِذَا انسَلَخَ الأَشْهُرُ الْحُرُمُ فَاقْتُلُواْ الْمُشْرِكِينَ حَيْثُ وَجَدتُّمُوهُمْ وَخُذُوهُمْ وَاحْصُرُوهُمْ وَاقْعُدُواْ لَهُمْ كُلَّ مَرْصَدٍ فَإِن تَابُواْ وَأَقَامُواْ الصَّلاَةَ وَآتَوُاْ الزَّكَاةَ فَخَلُّواْ سَبِيلَهُمْ إِنَّ اللّهَ غَفُورٌ رَّحِيمٌ" (التوبة: 5)

حاسيلو الحكاية و ما فيها إلي قالك ملّي هبطت الآية هاذي، ربّي سبحانو و معظم شانو ملّي كان يؤمر في المسلمين بالصبر و العفو والبر والقسط والتسامح وعدم الإعتداء كمبادء في التعامل مع غير المسلمين بدّل رأيو و قاللهم من هنا فصاعدا سفّح سفّح وراء بعضو.

قالك الآية هاذي نسخت، شد عندك:

- "لا إكراه في الدين قد تبين الرشد من الغي" (البقرة: 256)

- "ادع إلى سبيل ربك بالحكمة والموعظة الحسنة" (النحل: 125)

- "وإن جنحوا للسلم فاجنح لها وتوكل على الله"(الأنفال: 61)

- "وقاتلوا في سبيل الله الذين يقاتلونكم ولا تعتدوا" (البقرة: 190)

- "فإن اعتزلوكم فلم يقاتلوكم وألقوا إليكم السلم فما جعل الله لكم عليهم سبيلا" (النساء: 90)

- "لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم" (الممتحنة: 8)

- و إلّا هاذي "أَلَيْسَ اللَّهُ بِأَحْكَمِ الْحَاكِمِين" (التين:8)!!

ومازال الشيّ.!! الله غالب منجمش نكتبهم الكل من كثرتهم! حاسيلو ما خلاو ما فسخوا!

هي بش تكون الآية هذه ناسخة لآية أخرى لازم الزوز يكونو متناقضين و الأحكام متاعهم ما ينجموش يتواجدو فرد وقت.

الآية هذه هبطت في وقت إلّي غير المسلمين متآمرين على المسلمين لقتلهم أو لأسرهم أو لإخراجهم من ديارهم : فتنة يعني.و المسلمين وقتها تعرضوا للإعتداء من طرف هؤلاء. ياخي ربي أمر المسلمين بش يقاتلوهم في سورة التوبة، و بالتحديد في الآيات إلّي ذكرتها في الأوّل. يعني أمر المقاتلة جاء في ضرف معين و لفئة معينة من الناس. الناس إلّي قاعدين يعتديو عل المسلمين.

و بش نوضحلكم كلامي هذا، هذه الآية إلّي جات قبل آية السيف:
"إِلاَّ الَّذِينَ عَاهَدتُّم مِّنَ الْمُشْرِكِينَ ثُمَّ لَمْ يَنقُصُوكُمْ شَيْئًا وَلَمْ يُظَاهِرُواْ عَلَيْكُمْ أَحَدًا فَأَتِمُّواْ إِلَيْهِمْ عَهْدَهُمْ إِلَى مُدَّتِهِمْ إِنَّ اللَّهَ يُحِبُّ الْمُتَّقِينَ" (التوبة: 4)
يعني المقاتلة ما تصحش مع الْمُشْرِكِينَ إلّي المسلمين معاهدينهم و إذى بالطبيعة الْمُشْرِكِينَ هذم ما أخلفوش بوعدهم.

باهي بش تقولولي و المشركين إلّي ما تعاهدوش مع المسلمين و ما أذاوش المسلمين كيفاش يتعاملوا معاهم المسلمين في حالة الحرب المعلنة؟ الإجابة نلقاوها في الآية إلّي جات بعد آية السيف:

"وَإِنْ أَحَدٌ مِنْ الْمُشْرِكِينَ اسْتَجَارَكَ فَأَجِرْهُ حَتَّى يَسْمَعَ كَلامَ اللَّهِ ثُمَّ أَبْلِغْهُ مَأْمَنَهُ ذَلِكَ بِأَنَّهُمْ قَوْمٌ لا يَعْلَمُونَ" (التوبة 6).

شمعنتها الكلام هذا؟ معنتها في هل الحرب المعلنة، إذا جاك واحد مشرك و قالك أنا خاطيني من أعدائك و راني مسالم، مش تمشي تقتلو! لا! و زادة مش تجبروا بش يولّي مسلم زادة! لا!
"إمالا شنعماّو هذا ؟ نتسامح معاه؟ كيفاش نتسامح معاه و آنا مسلم لازم بش نكون متجبر و كشاكشي خارجة و عاقد حواجبي و نكره الناس الكل؟!"

بالسيف عليك لازم تتسامح معاه، و كان ما عجبكش بدّل دينك! ربي قالك لازم ما تؤذيهش و ما فيها باس توصلو الرسالة المحمدية، كان حب ياخذ بكلامك حاجة باهية، كان ما حبّش موش لازم، و فوق من هذاك الكل توصلو حتى لدويرتو و لعايلتو آمن.

توّة هذا ما يتناقضش مع الإكراه في الدين؟ هذا ما يتناقضش مع وجوب الحرب حتى لوكان غير المسلمين ما همش معتدين على المسلمين؟

و بِلاّهي إلّي مصدق حكاية الإكراه في الدين هاذي، تنجموشي تفهموني كيفاش واحد دخل في دين الإسلام بالسيف ينجم يكون مسلم صادق و ما يكونش أكبر منافق؟! وقت إلّي ربي يوعد في المنافقين بالعذاب في جهنم، كيفاش ينجم يشجع على الإسلام بالسيف؟

وجوب النسخ ما يكون إذا الأحكام يتناقضو و لا يمكن الجمع بيناتهم. و آنا بينتلكم إلّي يمكن الجمع بين المقاتلة و الصلح و عدم الإكراه في الدين.

آخر حاجة بش نفسرها في السلسلة هذه هي الآية هاذي : "وَقَاتِلُوهُمْ حَتَّى لاَ تَكُونَ فِتْنَةٌ وَيَكُونَ الدِّينُ كُلُّهُ لِلَّهِ " ردّا على إقتراح من المدون عاشور الناجي.

الإسلام دين تسامح بالسَّيْف عليك ! (1)

2009-06-09T17:05:00.000+01:00

الأيامات قاعدين نحكيو في البلوڨوسفير هنا على آية السَّيْف و قالوا إلّي الآية هاذي نسخت آية "لا إكراه في الدين". هو في الحقيقة يقال إلي آية السَّيْف نسخت أكثر من 100 آية! إي نعم 100 آية مش لعب! و ثمّ حتى إلّي من كثر التخمام فسّخ 200 آية من القرآن على فرد جنب و شطب عليهم بل بلنكو و الستيلو لحمر بالرغم إلّي وقتها ما زالت التكمولوجيا هذه ما وصلتهمش.

و الناس هذم ,إلّي ألحدوا على يديهم الإخوان المدونين إلّي نعرفوهم (ما هوش تخربيش كرامة راهو: منين نعرف يجيك البلاء يا غافل), الناس هذم ما عطاونا حتى حجة معقولة و مقبولة. و زاد أجبرونا بالتخويف بالطبيعة (وسيلتهم الوحيدة "للإقناع" ؟؟!!) بش نسمعوا كلامهم ,من غير ما نناقشوا, بالآية هذه "أطيعوا الله وأطيعوا الرسول وأولى الأمر منكم" و بش يتهنّاو على نشر الغباء سكّروا علينا أبواب الإجتهاد!!

أنا في الحقيقة نلوم على العباد إلّي يتبّعوا في كلام هل "العلماء الأفاضل" و يعتبروا فيه أنّ هذاك هو الإسلام الصحيح. ديما نسمعها الجملة هذه "الإسلام الصحيح" إلّي يقصدوا بيه دين العنف و سفك الدماء. و لذلك المسلم الصحيح هو هذاك إلّي يمشي يفجر روحو وسط العباد. و بقية المسلمين ماهمش متبعين الإسلام الصحيح على خاطر ما همش مؤمنين بالقرآن الكل، موش على خاطر مفسرينوا بطريقة يقبلها العقل! ردوا بالكم تفهموا هكا!

بالطبيعة هذه هي الفكرة السائدة على الإسلام، و هذا ناتج عن إتباع آراء جماعة من الناس موش عن قراءة متدبرة لالقرآن.

كان تحبوا تبعوا هالجماعة إنتوما أحرار لكن بالنسبة لي (و هذا رأيي الشخصي) بالطريقة هذه تفتقدوا لالحس النقدي. و لكان تعتبروا رواحكم ما تفدقدوش لالحس النقدي نتصور يلزمكم تسمعوا الآراء الأخرى من غير ما تتهموا أصحابها بالخبث و إرادة "تغطية عين الشمس بالغربال" و ما شابهها من الإتهامات إلّي مصلحتها الوحيدة هي التخويف من الإسلام و ما ينجر عليه من مصالح مختلفة مانيش بش نحكي عليها هنا.

في المدونة الثانية بش نحكي على آية السيف شنيّة هي؟ و نعطي بعض أمثال من الآيات و الأمور إلّي يقال أنها نسختها. و كيفاش ما تنجمش آية السيف تكون ناسخة لأي آية من آيات القرآن؟ و بش نجاوب المدون عاشور الناجي و نعطيه رأيي في آية إقترحها عليا.

الله غالب الوقت زربني و من نحبش المدونة تولّي طويلة و مملّة.

Les raisins de la col�re: هل أنا إسلاموفوبي (ة)؟

2009-06-05T12:10:00.000+01:00

Les raisins de la col�re: هل أنا إسلاموفوبي (ة)؟

@mahéva,

Non tu n'es pas islamophobe.

Le problème aujourd'hui c'est qu'il y a deux dérives:
1- la première qui consiste à dire que toute personne qui critique les musulmans je dit bien les musulmans ou bien l'Islam comme étant une culture et non une religion est un islamophobe. Ce qui n'est pas vrai.

2- la deuxième qui consiste à dire que tous les musulmans sont des arriérés, terroristes et que c'est du au Coran. Ce qui n'est pas vrai non plus

Malheureusement ces deux camps sont les plus largement répandus de nos jours et ils sont très très dangereux.

- 1 - ?Comment devrait être la tenue laïque

2009-06-04T13:56:00.001+01:00

.On entend souvent que le foulard est contraire à la laïcité

Pourrait-on me répondre pourquoi ? Pourrait-on expliquer comment un simple fichu pourrait-il compromettre l'égalité entre des hommes de croyances différentes, le principe même de la laïcité?

Pourrait-on trouver des réponses à ces questions dans notre subconscient arabo-musulman?
Ou bien trouvera-t-on des réponses à cette stipulation de là où on l'a importée sans essayer de la comprendre ni d'en connaitre les origines?

Cette stipulation a été importée des pays occidentaux et notamment de la France pays qui se dit un pays des droits de l'homme et de la liberté d'expression sauf quand ça touche au juif [donnant ainsi moins de droit à un groupe de personnes fin de la parenthèse].

Le bon sens nous dit que l'habit d'une personne est une liberté individuelle et que personne n'a droit de l'empêcher de porter ce qu'il veut. S'habiller d'une façon religieuse est une liberté du culte.

La présence des bonnes sœurs chrétiennes voilées dans les sociétés chrétiennes ne choque personne quand elles ne se mêlent pas de politique et quand elles n'entravent pas la liberté des autres. Maintenant c'est le cas. Mais avant dans les périodes de sécularisation ou la religion se mêlait de l'état s'était loin d'être le cas

L'européen garde dans sa mémoire cette époque obscure de LEUR Histoire et qui n'est pas la nôtre. L'européen reste et restera méfiant des religieux. Les ultra-laïcs qui imposent aujourd'hui leurs idées comme étant la vrai laïcité ont dépassé le stade de la méfiance pour interdire aux femmes musulmanes de porter ce qu'elles veulent entravant ainsi leur liberté du
culte.

Mais pourquoi diable une femme voilée, qui ne fait pas de revendication particulière entravant la
liberté des autres, est-elle un danger pour la laïcité?

Voici ce qu'en pense Jean Baubérot et Jocelyne Cesari, membres du Groupe de Sociologie des Religions et de la Laïcité :

"Rappelons que la laicité est avant tout l’indépendance mutuelle des organisations religieuses et du pouvoir politique, la protection de la liberté de conscience garantie par ce même pouvoir. Elle consiste aussi dans l’apprentissage de l’esprit critique, l’acquisition de la liberté de penser. A cet égard, les voiles qui se trouvent dans les têtes sont des obstacles bien plus puissants, souvent, que des foulards extérieurs. Le port du foulard à l’école se réfère en effet au port de signes religieux dans l’espace scolaire sans pour autant signifier la revendication de droits collectifs spécifiques pour la minorité musulmane. Ainsi les jeunes femmes qui portent le foulard franchiraient un pas vers le communautarisme si, au nom de l’islam, elles réclamaient des droits spécifiques dérogatoires au droit commun en matière de mariage, divorce, garde des enfants etc.. Or la revendication de beaucoup d’entre elles est précisément à l’opposé et consiste à défendre la liberté de l’individu-croyant de respecter des obligations religieuses qui ne se cantonnent pas à la sphère privée "

"En soi, s’il est porté de façon sereine, le foulard ne contredit pas le droit laïque mais plutôt une certaine vision culturelle de la sécularisation qui prend ses racines dans le XIXe siècle, à une époque où l’on pouvait, raisonnablement, avoir une vision linéaire et enchantée du progrès"

"Certes l’ère positiviste est révolue et les batailles contre les Eglises achevées, mais il ne faut pas sous-estimer l’influence de ce passé sur la perception actuelle du religieux en société. De plus, l’actualité, qui privilégie le bruit et la fureur sur les réalités quotidiennes paisibles, renforce la tendance qui consiste à mettre hors jeu le religieux dans les relations sociales entre citoyens. Marque de l’esprit religieusement sécularisé, et qui privilégie ce qui est "vu à la télé" sur l’expérience quotidienne, l’idée selon laquelle la religion ne peut, en aucune mesure, participer au bien commun des sociétés est en effet communément répandue en France."
....

"Le port du foulard est connoté comme étant obligatoirement un signe du refus du progrès et de l’émancipation individuelle des femmes malgré toutes les études qui ont montré la pluralité de ses significations"

"L’entrée du foulard dans l’école républicaine manifeste donc la distorsion, aujourd’hui criante, entre une certaine vision socioculturelle de la laïcité et son contenu juridique. En d’autres termes, la manière dont beaucoup de Français perçoivent la laïcité n’est pas le droit de la laïcité. En effet, celui-ci implique la neutralité du service public et la garantie par les pouvoirs de toutes les expressions religieuses qui ne contreviennent pas à l’ordre public d’un pays démocratique et à la liberté d’autrui. "

"Fidèle à sa longue tradition de gardien du droit, le Conseil d’État se voit régulièrement conduit à souligner ce décalage en rappelant, depuis son avis du 27 novembre 1989, que ce sont les agents du service public et non ses usagers que la loi de laïcité soumet à l’obligation de neutralité. "

"En droit, le trop fameux foulard, en tant que symbole d’appartenance religieuse, ne contrevient donc pas au respect de cette obligation. C’est pourquoi, dans une formule générale qui dépasse le cas du foulard stricto sensu, le Conseil d’État est venu rappeler que " le port d’un signe religieux n’est pas incompatible avec la loi de la laïcité ", sous reserve des restrictions déjà signalées. [c'est-à-dire que celle qui porte le voile ne doit pas entraver la liberté des autres]"

"Le foulard ne remet donc pas en cause la laïcité comme principe d’organisation des différentes libertés dans l’espace public, il apparaît plutôt le révélateur le plus manifeste de la fin d’enchantements séculiers. Il nous faut vivre désormais, en France comme ailleurs en Europe, dans une sécularisation désenchantée."

Vous pouvez lire la totalité de l'article ici.

Et cet article ce sont des français visiblement non musulmans ni arabes qui l'ont écrit et qui sont membres du Groupe de Sociologie des Religions et de la Laïcité.

Je fais remarquer à ceux qui veulent suivre aveuglement l'ultra-laïcisme importé de l'occident sans en comprendre le fond, que des mouvements anti ultra-laïc se sont soulevés contre ces extrémistes dangereux et qui nuisent à la laïcité.

الجهل سعات يقتل

2009-06-02T11:08:00.000+01:00

البارح و آنا مروحة من الخدمة، عرضني سرسوط كراهب طويل عريض، من الشمال إلى الجنوب و من الشرق إلى الغرب في ثنيّة الX20. شنوّة! آش ثمّة! أشغال شاقة زعمة!؟

زدت قدّمت بالخطيوة بالخطيوة، لاح لي في الأفق البعيد سيارة إسعاف معطلة كيفنا في الكيّاس!! هي سيّارة إسعاف مخدمة الضو و ساعة على ساعة تخدّم عرائس البحر بالكشي إلّي مازال ما فهمش روحو يفيق من الغيبوبة المزمنة و يتذكّر شنوّ قرا في قانون السياقة بش يفسح المجال لسيارة الإسعاف و يتّكى على جنب!

فريق الإسعاف ما قعدش مكتوف الأيدي الحقيقة و يعطيهم ألف صحّة، على خاطر نضموا رواحهم: شي هبط ينضّم في حركة المرور خاطر وحدنا ما نجموش نتنضّموا بعدلّي كل واحد فينا يخمّم في روحو و في كيفاش بش يقلّع البلاصة لصاحبو. و شي مشى يجري لمكان وقوع الحادث ثمّاش ما ينجموا يعطيوا الإسعافات الأوليّة في إنتظار وصول سيّارة الإسعاف. ماهو الحادث طلع في الكيّاس إلّي عل اليسار و سيّارة الإسعاف في الكيّاس اليمين (يعني إلّي آنا واحلة فيه)!!

و لوكان جات الدنيا دنيا، فاش قام تتعطّل صفة اليمين!!! قال شنوّة التونسي وقتها تتحيّرعليه مشاعر الأخويّة و الإستلطاف (قول "اللّطف يا ربّي") و إتخاذ كذا حادث موعضة لمن يتعض ( قول "أستغفر الله ولا حول و لا قوّة إلا بالله").

باللّه كان تحبّوا تنفعوا ضحايا الحوادث حطوا الجملة هذه حَلأة في وُدَنْكُمْ

"! Circulez, y a rien à voir "

الغرب مستغرب من المسلمين

2009-05-28T09:10:00.000+01:00

آخر طلعة طلعوا بيها الغرب غير المسلمين، هي أنهم ماخذين في خاطرهم من الإسلاميين المتشددين منهم و الإرهابيين موش على خاطر يهددوا فيهم بالإبادة الجماعية. إمّلا علاش؟!
على خاطر مرمدو سمعة الإسلام و مسحوا بيها القع! أبب! ياخي كنت نحلم وقتلِّي الناس الكل أيّدت الصور الكاريكاتورية و قالوا "فل تذهب إلى الجحيم مشاعر المسلمين في العالم بعدلّي رسولهم طلع إرهابي كيما وضحت التصاور!!!".

الفكرة الجديدة هاذي تقول إلّي يلزم، كل ما يصير عمل إرهابي يقوم بيه مسلم، مسلمين العالم الكل يخرجوا في الشوارع بش يتضاهروا ضد مثل هذه الأعمال.

هي في الحقيقة فكرة باهية أما موش برشة. علاش؟

1) هل هي صادرة عن حسن نيّة؟ هوما بالطبيعة يخمموا إلّي المسلمين ما تضاهروش و ما همش بش يتضاهروا على خاطر أحنا بالنسبة ليهم إرهابيين الكل على بعضنا. الصورة إلّي عندهم عل المسلم المثالي هو راجل عندو لحية طولها 2 متر وشادد في يدّو ساطور و متّكي على علوش و هو يعيّط و يصيح "الله أكبر". بعدلّي بريجيت بنت باردو قالتلهم إلّي المسلمين الكل قتلة أرواح على خاطر ياكلوا في العلوش!! حاسيلو عملت منضمة الدفاع عن العلوش وبدات تحارب فينا كبار وصغار.

2) هل أنّ الأعمال الإرهابية إلي يقومو بيها بعض المتطرفين الإسلاميين هي من مسؤلية المسلمين؟ هل أنّ الأعمال الإرهابية العنصرية لجماعات من المسيحيين هي من مسؤلية المسيحيين ؟ الغرب بش يجاوب بنعم لالسؤال الأول و بلا لالسؤال الثاني. علاش؟ عند الغرب مصدر الإرهاب هو القرآن، أما الكتاب المقدس خاطيه ما فيه كان السلم و السلام.
صحيح هو ثم جماعة من المسلمين فسروا القرآن حسب رؤيتهم المتشددة و نزعتهم المجرمة و بداو يقتلو في العباد مسلمين كانو أو غير مسلمين كيما نشوفوا في العراق و إلّا في أفغانستان. أما بربّي شكون المسؤال في تفشي هل النوعيّة هاذي من المتطرفين؟؟
آل السعود إلّي توّ يحكمو في ما يسمى بالسعودية، هم في الأصل كانو قبيلة شديدة التطرف خذات الدعم من عند البريطانيين بش إستولات على الأراضي العربية. تقول إنت بالكشي على سواد عينيهم. صحيح عيونهم سود، أمّا زادة كانوا يحاربوا في عدوالبريطانيين آنذاك وهم الهاشميين.
طالبان ما كانوش ينجموا يتقوواو كان موش الأماركان و دعمهم المادي والحربي ضد عدوهم السفياتي (عدو مشترك ما بين الأماركان و الأفغان).

يعني بعبارة أوضح، كيما هوما يحبوا يوحّلوا فينا مسؤولية الإرهاب الإسلامي أحنا نقولولهم "كان مش دعمكم لهل المجرّمة ماكُنّاش نوصلوا لهل المواصل، و السكوت على مثل هذا الدعم الإجرامي هو جريمة في حد ذاتو".

"إذا تحبوا تثبتولنا حسن نيّتكم، ما عليكم كان تخرجوا معانا لالشوارع و تتضاهروا معانا".
و أحنا بش نڤعرولهم عينيهم، يلزمنا نخرجوا نتضاهروا كي وخايتنا في الجزائر قاعدين يموتوا في جرّة الجهل، ما فيها باس. شنوّة قولكم؟

بوست توضيحي على ناقصات عقل

2009-05-26T12:49:00.000+01:00

حليت اليوم الحاسوب بش نقرى مدونتي نلقى الكرتوش يخيّط و الطش وصل حتى المدونات أخرى. من المؤسف أن برشة عباد فهمت كلامي على أنو تحقير لالمرأة!

بالفلاقي، ثم فوارق نفسية ما بينات المرأة و الرجل، المرا حساسة أكثر من الراجل، و المشاعر تأثرعلى العقل موش على الدماغ يعني موش على الذكاء. و هذا بينته، و على الرغم من ذالك ثم شكون ما عجبوش كلامي ياخي أثرت مشاعرو الجيّاشة على عقلو و فهم كلامي بالمقلوب.
يمكن جبداني على الفوارق ما بينات دماغ الراجل و المرا بلبلز الفهم و ركزوا على الفرق في عدد الخلاية العصبية و استنتجوا منها إلي آنا حبيت نقول إلّي المرأة أقل ذكاء من الرجل. هوما فهموا هك على خاطر ماشي في بالهم إلّي الذكاء مرتبط بالخلايا العصبية.

إلّي لازم يستنتج من كلامي، كان حبيتوا تستنتجوا حاجة، إلي الفوارق موجودة في الدماغ و في الأحاسيس، و إلّي الدماغ و الأحاسيس حاجتين مرتبطين ببعضهم، لكن ما يلزمش العباد تفهم بهالحجج هاذي علميّة كانت أو دينية أن المرأة أقل ذكاء من الرجل أو أنها قاصر لا يمكنها القيام بنفسها.

على كل حال، ردود الفعل،إلي فهمتني و إلي ما فهمتنيش، على البوست هذايا خلاني نفتخر بأولاد بلادي. بل مجد راهو مش نتمنيك، على خاطر كلكم جيتوا تدافعو عل المرأة بالرغم إلّي واحد يحكي شرق و الآخر يحكي غرب :)

حتّى آنا بش نحكي في موضوع النساء في الإسلام

2009-05-25T17:15:00.002+01:00

و بالتحديد بش نحكي في موضوع "ناقصات عقل و دين" بعد ما قريت التكرتيش الدبلوماسي ما بينات الملحد المشهور عيّاش مل مرسى هنا والباحث عن الحقيقة هشوش هنا. قبل ما نبدى نحكي، نحب نوضّح إلّي آنا نحترم آراؤهم الزوز و راني ما ندّعيش الفقه، أمّا راني، بصيفتي مرا حبيت نعطي رأيي في الموضوع.

أحنا كبشر بصفة عامة، كي وضحولنا حاجة بصفة علمية نصدقوها لكن كيف تجينا الحجّة بصفة دينية نحبّوا نكذبوها. كيفاش؟

البحوث العلمية أثبتت أنه ثمّت فوارق بين دماغ (و ليس العقل) المرأة و دماغ الرجل، منها أنه الخلايا العصبية عند الرجل أكثر من عند المرأة. فرق آخر، أنه المرأة أحسن من الرجل في اللغّات لكن الرجل يبقى أحسن من المرأة في حس الإتّجاه. هذا الكل قلتو لالناس إلّي تنفي إلّي ثمّ فوارق بين دماغ المرأة و دماغ الرجل.

إيجا توّة نحكيو عالعقل. العقل يا ولادي (ربّي يعمل منكم العقل) راهو ما هوش هو الدماغ
:بالكشي كي نفسرهالكم بالفرنساوي تفهموها خير c'est la raison .

حاجة معروفة في علم النفس أنو الأحاسيس تأثّر عالعقل: يعني واحد مثلا يبدى حزين برشا ينجم يعمل في روحو سِبّة.

المرأة بصفة عامّة (أخطى كوندوليزا رايس و غيرها من الحثالات اللي لا داعي في ذكرهن) حساسات برشة أكثر من الراجل و بالأخص كيف يبدى عربي. و حكاية الأحاسيس هاذي حسب ما قرينا في les cours de sciences مرتبطة بالدماغ علا خاطرهو إلي يعطي شحنة المعلومات للأعضاء متع الإنسان بش يبكي، بش يطير بالفرحة و إلّا بش يطيش روحو في الواد

Donc قول أنو المرا ناقصة في العقل صحيح علا خاطر هي حساسة برشة. و ما يلزمش فهم الكلام هذا علا أنو المرا ما تنجمش تقوم بروحها و اللي هي قاصر و إلا طايشة و إلا ناقصة في الذكاء. و زادة ما يلزمش الواحد ياخذو على أساس أنو تحقير للمرا

أنا مرّة حضرت على حادث مريع صار قدّام عينيا و شعيرة لمشيت أنا زادة ضحيته. هوle fautif دخل في حيط و هو إلي تضرر أكثر، لكن يقعد هو المخطإ. أما أنا كي حليت فمي بش ندلي بالشهادة متاعي قلت إلّي الطرف الآخر هو المخطإ. وقتها آنا ما زلت sous le choc! متأثرة بحالة الضحية! المشاعر هي إلي تكلمت موش العقل

قال Voltaire

Tous les raisonnements des hommes ne valent pas un sentiment de femme.

- عجّة صهيونية بالمخ - 2

2009-05-25T15:11:00.000+01:00

(un article publié ici)

.أيّا سيدي هاني رجعت بش نكملو نفضوها هل مشكلة

ماهو اليهود قالوا نحبوا على دولة علا خاطر أحنا مضطهدين من طرف النازية. يقول القايل "هايل ياسر" أهوك الألمان والفرنسيس في عوض ما يقعدوا يقدمولهم في الإعتذارات كل عام، يكفّروا على ذنوبهم و يعتيوهم قطيعات أرض بش اليهود تكوِّن بهم دولة: أهوك دولة حاضرة بالبنية التحتية و الفوقية على غرار شقة مفروشة، ما بقى كان بش تسمي بإسم الله و تزوز بساقك اليمين.

اليهود الصهاينة قالتلك ماهاأه! "أحنا نحبوا نرجعوا إلى أرض الأجداد". أه! أجداد شكون؟! قالوا أجدادنا هم بني إسرائيل.

بش نوضّحوا شكونهم بنو إسرائيل و شنوّ أصلهم حتى نلقاول حل لََهِلْ الصهاينة المساكين الّي يحتفضوا بل ليكس بش يقرروا وين يعملوا الوطن متاعهم. أيّا سيدي و يا للاّ قالك بنو إسرائيل هم فرقة من العبريين و هم بالتحديد من سلالة سيدنا يعقوب و اللّي اليهود لقّبوه إسرائيل.

إذا أبناء إسرائيل يقصدوا بها أبناء سيدنا يعقوب هذوكم إلّي مشاو باعوا أخاهم سيدنا يوسف لجماعة من مصر.

بنو إسرائيل كانوا عبارة على عبيد في بلاد الفراعنة. سيدنا موسى قاللهم يا ناس فيقوا على رواحكم و هزهم من مصر إلى بلاد كنعان حسب كلام التوراة. و بقاو عايشين في فلسطين بالتحديد إلي هم سمّاوها إسرائيل.

سبحان الله قدّاش عندهم علوم في التوراة، حتى الحدود متع دولة إسرائيل مبيّنة فيها. تي قالك ثمّة خريط مصوّرة متع دولة إسرائيل الكبرى إلّي تبيّن إلّي هي تمتد من مصر إلى العراق، غير برك هم متسامحين معانا، إستوطنوا كان فلسطين.

بعدلّي الصهاينة يحبوا يرجعوا للأصل خلّي نعاونوهم شويّة:
1) بنو إسرائيل هم من العبريين و العبريون أصلهم الأصيل موش من فلسطين... زيد إطلع شويّة للفوق عل اليسار...إيواه هم من جنوب بغداد. إمممم، العراق موش حل، علاش التمرميد؟! صدام و من بعد بوش ! موش حل بل كل!

2) باهي موش لازم نحكيوا عل العبريين خلّيونا في سلالة بني إسرائيل! و في هذه الحالة سؤال يطرح نفسو "هل أن كل اليهود إلّي متواجدين توا في إسرائيل عندهم الشرعية التارخية في هذا الإرث؟ بعبارة أوضح هل هم فعلا من بني يعقوب؟!". توا يا رسول الله يجيبولك واحد عربي پير صون يهودي من سلالة بني إسماعيل و يقولك هذا من بني يعقوب و إلا يجيبولك واحد شنوازي و يقولك هذا ولد سيدنا يعقوب بيدو!

3) باهي موش لازم نحكيوا كان على سلالة بني إسرائيل. إيجا نعمموا إلى كافة اليهود. إممم ثمّة مشكلة هنا: الصهيونية هي معادية لاليهودية و هي تضرب بالتوراة عرض الحائط. "إمّالا آش تخرّفلي مالصباح على أرض أجدادي هي فلسطين و كالرّيق هذاكا!!!" بعد اللي الأب الروحاني لالصهيونية تيودور هرزل ما يؤمنش بالتوراة!

ما يهمش هذا الكل! اليوم الصهاينة ما تروح كان فرحانة و على خاطر هم قلبهم كبير توّ نعطيوهم فلسطين و الأردن و كان يحبوا زادة مصر و العراق. أمّا على شرط، كما هم رجعوا "لأرض الأجداد"، نطلبوا من كل واحد بش يعمل بالمثل. مثلا الأماريكان يرجعوا إلى أوروپا، أوباما يرجع إلى كينيا، ... خلّينا نضحكوا شويا ههههه

عجّة صهيونية بالمخ

2009-05-25T15:05:00.000+01:00

(un article publié ici)

ثمة فكرة لا قية رواج كبير في برشة اوساط غربية و ممكن ياسر عربية
زادة.
الفكرة هاذي تتمثل في قول انّ كل من هو ضدّ الصهيونية هو ايضا ضدّ السامية !
إيجا نتبعوا السارق إل باب الدار.

أيا سيدي و يا للاّ قالك كان يا ما كان في قديم الزمان كمشة يهود مضطهدين في بلاد لڨورّة قرروا بش يهجوا من تلك البلاد و يمشيو يعملوا بلاد علا رواحهم.
صحة والله مالة من هنا فصاعدا كلّ واحد يحس بروحه مضطهد في بلادو يهز شلاڨاتو و ملاڨاتو و يمشي يعمل بلاد علا روحوا. خسارة مبهمنا ما خممناش فيها من قبل.

اماّ ثمة شكون طلع ابهم منّا فل حكاية هاذي: هوما المناضلين الاوروبين و المواطنين الاوروبين غير اليهود المضطهدين خلال الحروب العالمية.

أيا سيدي قالك الصهيونية هاذي إلي حاربين احنا عليها الدنيا هي مجرّد الإعتراف لاليهود (المضطهدين و غير المضطهدين، الاوروبين و العرب و الآسياوين،...) بحقهم في ان تكون لهم دولة.

""شبي الاديان الكل عندهم دولة و اليهودية لا ؟؟!! و اللذي لا يريد لاليهود ان تكون لهم دولة فهو يكره اليهود و هو إذا ضدّ السامية!!""

أيا ثبتولنا رواحكم عاد إنتوما تحبوا بلاد بش تبعدوا عل إضطهاد و إلا ولّى تزعبين كيّنو طفل صغير قال للبوه "بابا شبيك تشري للخويا شكلاطة و آنا لا
!!!"

Une nounou d'enfer

2009-05-25T15:03:00.000+01:00

(un blog publié ici )

Comme la plupart des mamans tunisiennes j'emploie une nounou pour garder ma fille de presque un an.

C'est une jeune fille correcte, assez polie malgré que kloufia. Elle semble s'être attachée à ma fille et ma fille aussi.

Mais alors me diriez-vous c'est le paradis, c'est génial t'as trouvé chaussure à ton pied!

Le problème c'est que cette fille est trop gâtée, je ne peux même pas lui faire une remarque, genre:
- t'es arrivée en retard aujourd'hui
- ou pourquoi t'as pas lavé les biberons
- ou n'oublie pas de lui donner son médicament comme l'autre fois
- ou je t'ai dit mille fois qu'il faut lui mettre une serviette pour lui donner son dessert aux fruits: voilà que ces habits sont salis et on ne peut plus enlever ces tâches!

Je trouve que c'est normal que je lui fasse des remarques sachant qu'il faut lui répéter mainte fois pour qu'elle apprenne ses leçons. Mon patron me fait bien des remarques, est-ce que je me fâche, est-ce que je pleure!! C'est ridicule!

C'est vrai, les patrons n'ont pas toujours raison et je ne dit pas qu'il faut se plier aux ordres sans discuter, mais bon sang si on est fautif en tant qu'employés on accepte les remarques sans s'énerver!

Alors ce matin c'était le comble, elle sonne je lui ouvre la porte, un petit bonjour car je suis pressée (pour ne rien changer à mes habitudes) et je retourne à mes occupations. D'habitude elle va petit-déjeuner dans la cuisine en attendant que ma fille se réveille. Après un quart d'heure je la trouve encore dans le séjour, un papier mouchoir à la main et des petites larmes sur ces joues!!! MAIS QU'EST-CE QUE JE T'AI FAIT!!!

J'ai pas voulu m'attarder sur ses états d'âmes et je suis retournée à mes occupations.

Ma fille se réveille, elle lui fait sa toilette et elle va l'habiller. Ma fille n'a pas cessé de pleurer alors elle a décidé de ne pas l'habiller et est allée lui faire un biberon. J'ai trouvé mon bébé en train de pleurer dans son lit, habillée seulement d'une couche !!!

L'autre fois, elle voulait rentrer plus tôt car, disait-elle, "ta fille m'a énervée, elle pleure beaucoup". J'étais encore au boulot et elle disait qu'elle voulait partir now!!!

C'est le monde à l'envers, on dirait que c'est elle qui me paye!

Je lis souvant des blogs sur les femmes de ménages et les nounous exploitées mais soyez-en sûr ce profil de nounous trop gâtées existe bel et bien en Tunisie et souvent elles font ce métier à contre coeur, non pas parcequ'elles veulent faire autre chose mais parcequ'elles ne veulent pas travailler.

Bien que ces jeunes filles sont en manque de ressources elles n'acceptent de travailler qu'en posant des conditions: je n'accepterais pas de faire ceci ou celà, je ne veux pas travailler le samedi,...

Je suis contre l'exploitation de l'employé mais aussi contre l'exploitation de l'employeur.

Introduction

2009-05-25T14:59:00.000+01:00

J'avais créé un blog dédié à la cuisine ici. Et puis je me suis retrouvée à écrire sur des sujets divers. Pour ne pas se mélanger les pinceaux, j'ai créé un autre blog que voici, et dans le quel je me permets d'écrire tout et n'importe quoi.

A bientôt.